ހިޓާޗީ ދޮންނަ މެޝިންތަކުން ބޮޑު ޑިސްކައުންޓެއް ލިބޭ "ދޮވެހިއްކާ ޕްރޮމޯ" ފަށައިފި
މިއީ 18 ސެޕްޓެމްބަރުން 5 ނޮވެމްބަރަށް ކުރިއަށްދާ ޕްރޮމޯޝަނެއް
"ދޮވެހިއްކާ ޕްރޮމޯ"
އެސްޓީއޯ ޕީޕަލްސް ޗޮއިސްގައި ވިއްކާ ހިޓާޗީ ބްރޭންޑްގެ ދޮންނަ މެޝިނަށް ހާއްސަ ޕްރޮމޯޝަނެއް ފަށައިފިއެވެ.
"ދޮވެހިއްކާ ޕްރޮމޯ" ގެ ނަމުގައި ފަށާފައިވާ މި ޕްރޮމޯޝަނަކީ 18 ސެޕްޓެމްބަރުން 5 ނޮވެމްބަރުގެ ނިޔަލަށް ކުރިއަށްދާ ޕްރޮމޯޝަނެކެވެ.
އެސްޓީއޯއިން ބުނީ މި ޕްރޮމޯޝަންގައި ހިމެނޭ ހިޓާޗީ ބްރޭންޑްގެ ކޮންމެ މެޝިނަކުން ވެސް 10 އިންސައްތައިގެ ޑިސްކައުންޓެއް ލިބޭނެ ކަމަށެވެ. އަދި ޕަރސިލް ބެރޭންޑްގެ ޑިޓާޖެންޓް ތިން ފުޅި ލިބޭނެއެވެ.
މީގެ އިތުރުން މި ޕްރޮމޯޝަންގެ ތެރެއިން ހިޓާޗީ މެޝިން ގަންނައިރު، ކޮންމެ -/1،000 ރުފިޔާއަކަށް ކޫޕަނެއް ލިބޭނެ ކަމަށް އެސްޓީއޯއިން ބުނެއެވެ. ޕްރޮމޯޝަންގެ އެއްވަނައަށް ހޮވޭ ފަރާތަކަށް ހިޓާޗީ ފްރިޖެއް ލިބެއެވެ. ދެވަނައަށް ހޮވޭ ފަރާތަށް 12000 ބީޓީޔޫގެ ހިޓާޗީ އެއަރކޮންޑިޝަނަރެއް ލިބެއެވެ. އަދި ތިންވަނައަށް ހޮވޭ ފަރާތަކަށް ހިޓާޗީ ޝަވަރ ހީޓަރަކާއި 32 އިންޗީގެ ހިޓާޗީ ޓީވީއެއް ލިބެއެވެ. މީގެ އިތުރުން ކޮންމެ ހަފްތާއަކު ގުރުއަތުން ހޮވޭ ހަތް ފަރާތަކަށް ހިޓާޗީ ވެކިއުމް ކްލީނަރެއް ލިބޭނެ ކަމަށް އެސްޓީއޯއިން ބުނެއެވެ.
