ބަޔާން މޮޅެއްނުވި، ޑޯޓްމަންޑް ވީ ބަލި

ޖަރމަން ބުންޑަސް ލީގުގައި ޗެމްޕިއަން ބަޔާން މިއުނިކް ފަހު ވަގުތު އެއްވަރުވެ, ޑޯޓްމަންޑް ބަލިވެއްޖެއެވެ.

2-1ން ސުޓްޓްގާޓް އަތުން މޮޅުވާން ދަނިކޮށް, ބަޔާން ޕޮއިންޓަކުން ފުއްދާލަންޖެހުނީ މެޗުގެ އިތުރު ވަގުތުގައި ޕެނަލްޓީއަކުން ގުރޭސީ ޖެހި ލަނޑުން މެޗު އެއްވަރުވެގެންނެވެ. މެޗުގެ ފުރަތަމަ ލަނޑުޖަހައި ކުރިހޯދީ ބަޔާންއިންނެވެ. 36 ވަނަ މިނިޓްގައި ބަޔާންއަށް ކުރިހޯދައިދިނީ 17 އަހަރުގެ ޓެލްއެވެ. މިއާއެކު އޭނާ ވެފައިވަނީ ބުންޑަސް ލީގުގައި ބަޔާންއަށް ލަނޑުޖަހައިދިން އެންމެ ހަގު ކުޅުންތެރިޔާއަށެވެ. އެކަމަކު ދެވަނަ ހާފް ފަށައިގެން ގިނައިރެއްނުވެ, ސްޓްޓްގާޓުން ނަތީޖާ ހަމަހަމަކުރިއެވެ. ތިން މިނިޓްގެ ތެރޭގައި ބަޔާންއަށް ދެވަނަ ފަހަރަށް ކުރިހޯދައިދިނީ މުސިއާލާއެވެ. މެޗުން މޮޅުނުވިޔަސް 6 މެޗުން 12 ޕޮއިންޓާއެކު ބަޔާން އޮތީ އެއްވަނާގައެވެ.

ބޮރޫޝީޔާ ޑޯޓްމަންޑް ލީގުގައި ބަލިވީ އާރްބީ ލައިޕްޒިގްއާ ވާދަކޮށް 3-0ންނެވެ. ތާވަލްގައި ޑޯޓްމަންޑް އޮތީ 12 ޕޮއިންޓާއެކު 4 ވަނާގައެއެވެ. ތާވަލްގެ އެންމެ ކުރީގައި އޮތް 4 ޓީމްގެ މެދުގައި އޮތީ ގޯލުގެ ތަފާތެވެ. އާރްބީ ލައިޕްޒިގް 8 ޕޮއިންޓާއެކު އޮތީ 10 ވަނާގައެވެ.