ލަންދޫ ބޯޓު ފުންކޮށްފި
3 ސެޕްޓެމްބަރު 2022 | ހޮނިހިރު 17:33ލަންދޫ ބޯޓު ފަރަށް އަރައި އަޑިއަށް ދިޔައިރު އޭގެއިން 40 މީހުން ދަތުރު ކުރި
ލަންދޫ ބޯޓު ފުންކުރުމުގެ މަސައްކަތްކުރަނީ
މާލެއިން ފުރައިގެން ނ. އަތޮޅަށް ދަތުރު ކުރި "ލަންދޫ ބޯޓު" އަޑިއަށް ދިޔަތާ ތިން ދުވަސް ފަހުން ފެންމަތި ކޮށްފިއެވެ.
މި ހާދިސާ ހިނގާފައިވަނީ މިދިޔަ ބުދަ ދުވަހުއެވެ. ބޯޓު އަޑިއަށް ދިޔައީ ކ. ގާފަރު ފަރަށް އެރި ފަހުންނެވެ.
އެ ބޯޓު ފުން ކުރެވުނީ ހޮނިހިރު ދުވަހުގެ 12:22 އެހާއިރުކަމަށް އެމްއެންޑީއެފުން ބުނެއެވެ. ބޯޓު ފުންކުރުމުގެ މަސައްކަތުގައި ލަންދޫއިން 54 މީހުން ބައިވެރިވިއެވެ. ބޯޓު ފުންކުރުމުގެ މަސައްކަތްކޮށްފައިވަނީ ލަންދޫގެ ޓީމަކާއި ގާފަރު ރައްޔިތުންގެ އެހީތެރިކަމާއި އެކުއެވެ.
ލަންދޫ ބޯޓު ފަރަށް އަރައި އަޑިއަށް ދިޔައިރު އޭގެއިން 40 މީހުން ދަތުރު ކުރިއެވެ. އޭގެ ތެރޭގައި އަންހެނަކާއި ބިދޭސީންވެސް ހިމެނެ އެވެ. އެމީހުންނަށް އެހީތެރިވެ ކެއިން ބުއިމާއި ހުރުމުގެ އިންތިޒާމް ހަމަޖައްސައި ދިނީ ގާފަރު ރައްޔިތުންނެވެ.
އަދި އެ ސަރަހައްދުން އެ ދުވަހު ދަތުރު ކުރި ބައެއް ދޯނިތަކުން ވަނީ ބޯޓުން ކަނޑަށް ދިޔަ ބައެއް މުދާތައް ސަލާމަތް ކޮށްދިނުމުގައި މަސައްކަތް ކޮށްފައެވެ.
