ފަހު މެޗު އެއްވަރު، އެއްވަނަ އުނގޫފާރަށް!
3 ސެޕްޓެމްބަރު 2022 | ހޮނިހިރު 13:44ފުރުޞަތު ގެއްލުނީ ދުވާފަރަށް
އުނގޫފާރާއި އަލިފުށި މެޗަށް ނިކުތުމުގެ ކުރިން ދެ ކެޕްޓަނުން
އެމްޓީސީސީ ނޯތު ލީގު ދެވަނަ ޑިވިޝަން ގްރޫޕް ޑީގެ ފަހު މެޗު އެއްވަރުވެ އެއްވަނަ އުނގޫފާރަށް ލިބިއްޖެއެވެ.
ރ.އަތޮޅުގެ ތިން ޓީމް ވާދަކުރި ގްރޫޕްގެ ފަހު މެޗަށް އުނގޫފާރާއި އަލިފުށި ނިކުއިންއިރުވެސް ދެޓީމް އޮތީ ނޯތު ލީގުގެ އެއްވަަ ޑިވިޝަނަށް ޕްރޮމޯޓް ވެފައެވެ. މެޗުގެ ނަތީޖާއިން ކަނޑައެޅެން އޮތީ އެއްވަނައާއި ދެވަނައެވެ. އަލިފުށީގައި ކުޅުނު މެޗު އެއްވަރުވީ ލަނޑެއް ނުޖެހިއެވެ. މިނަތީޖާއާއެކު އުނގޫފާރަށް އެއްވަނަ ލިބުނީ ހަތަރު މެޗުން ހަ ޕޮއިންޓާއެކުއެވެ. މޮޅުވީ އެއް މެޗުންނެވެ. އަނެއް ތިން މެޗުވީ އެއްވަރެވެ. އަލިފުށި ދެވަނަ ހޯދީ ފަސް ޕޮއިންޓާއިއެކުއެވެ. މޮޅުވީ އެއް މެޗުންނެވެ. ދެ މެޗު އެއްވަރުވިއެވެ. އަދި އެއް މެޗުން ބަލިވިއެވެ.
މިގްރޫޕުން ފުރުޞަތު ގެއްލުނީ ދުވާފަރަށެވެ. ދުވާފަރަށް ލިބުނީ ތިން މެޗު އެއްވަރުކޮށްގެން ލިބުނު ތިން ޕޮއިންޓެވެ. ދުވާފަރުވެސް ބަލިވީ އެއް މެޗުންނެވެ.
