ވެލެންސިއާ އަތުން އެތުލެޓިކޯއަށް ހަނި މޮޅެއް
ރަށުން ބޭރު ވެލެންސިއާއާ ދެކޮޅަށް ކުޅުނު މެޗު އެތުލެޓިކޯއިން ކާމިޔާބުކުރީ 1-0 އިން
ސްޕެނިޝް ލީގުގައި ކުޅުނު މެޗުގެ ތެރެއިން
ސްޕެނިޝް ލީގުގައި ވެލެންސިއާއާ ދެކޮޅަށް ކުޅުނު މެޗުން ހަނި ގޮތަކަށް އެތުލެޓިކޯ މެޑްރިޑުން މޮޅުވެއްޖެއެވެ.
ލީގުގައި ރަށުން ބޭރު ވެލެންސިއާއާ ދެކޮޅަށް ކުޅުނު ފުޓުބޯޅަ މެޗު އެތުލެޓިކޯއިން ކާމިޔާބުކުރީ 1-0 އިންނެވެ. މެޗުގައި ދެ ޓީމުން ވެސް ވަނީ ލަނޑު ޖަހާނެ ރަނގަޅު ފުރުސަތުތަކެއް ތަނަވަސްކޮށްފައެެވެ.
މެޗު ފަށައިގެން 23 ވަނަ މިނެޓުގައި ވެލެންސިއާގެ ޔޫނުސް މުސާހް ވަނީ ލަނޑެއް ޖަހާފައެވެ. ނަމަވެސް ވީއޭއާރު ބެލުމަށްފަހު ރެފްރީ ނިންމީ ލަނޑު ބަލައިނުގަތުމަށެވެ. އެތުލެޓިކޯއިން ލަނޑު ޖަހައި ލީޑު ނެގީ ދެ ވަނަ ހާފުގައެވެ. މެޗުގެ 66 ވަނަ މިނެޓުގައި އެ ލަނޑު ޖެހީ އެންޓޮއިން ގްރީޒްމަންއެވެ.
ލީގުގައި ކުޅުނު ތިން މެޗުގެ ތެރެއިން އެތުލެޓިކޯ މޮޅުވެފައިވަނީ ދެ މެޗުންނެވެ. އެއް މެޗުން ވަނީ ބަލިވެފައެވެ. ތިން މެޗުން ލިބުނު ހަ ޕޮއިންޓާއެކު އެ ޓީމު އޮތީ ތާވަލްގެ ހަ ވަނަ މަގާމުގައެވެ. މެޗުން ބަލިވި ވެލެންސިއާ އޮތީ ތިން ޕޮޮއިންޓާއެކު 14 ވަނަ މަގާމުގައެވެ.
