އުނގޫފާރުގައި ފީނަން ގޮސްއުޅުނު ދިވެހި ފިރިހެނަކު ނިޔާވެއްޖެ
29 އޯގަސްޓު 2022 | ހޯމަ 13:21ނިޔާވެފައިވަނީ އުމުރުން 25 އަހަރުގެ މީހެއް
އާއިޝަތު ޝިއުރާ | 29 އޯގަސްޓު 2022 | ހޯމަ 13:21
އުނގޫފާރު
ރ. އުނގޫފާރުގައި ފީނަން ގޮސްއުޅުނު ދިވެހި ފިރިހެނަކު ނިޔާވެއްޖެއެވެ.
އެކަމާގުޅިގެން ފުލުހުން ބުނީ، އުނގޫފާރުގައި ފީނަން ގޮސްއުޅުނު މީހަކު ގެނބިފައިވާ ކަމަށް ހޯމަ ދުވަހުގެ ހަވީރު ފުލުހުންނަށް ރިޕޯޓްކޮށްފައިވާކަމަށެވެ. ހޮސްޕިޓަލަށް ގެންދިޔައިރުވެސް އެމީހާ ނިޔާވެފައިވާކަމަށް އުނގޫފާރު ހޮސްޕިޓަލުން ފުލުހުންނަށް މައުލޫމާތުދީފައިވާކަމަށާއި، ނިޔާވެފައިވަނީ އުމުރުން 25 އަހަރުގެ މީހެއްކަމަށެވެ.
މިކަމާގުޅިގެން އިތުރަށް ބަލަންޖެހޭކަންކަން ބަލަމުން އަންނަކަމަށް ފުލުހުން ބުނެއެވެ.
