ރައީސުލްޖުމްހޫރިއްޔާ ހޮނިހިރު ދުވަހު މ. އަތޮޅަށް ވަޑައިގަންނަވަނީ
26 އޯގަސްޓު 2022 | ހުކުރު 02:11އެނބުރި މާލެ ވަޑައިގަންނަވާނީ ހޯމަ ދުވަހު
ރައީސް ސާލިހު މީގެކުރިން އއ.އަތޮޅަށް ކުރެއްވި ރަސްމީ ދަތުރުފުޅެއްގައި ފުރާވަޑައިގަންނަވަނީ
ރައީސުލްޖުމްހޫރިއްޔާ އިބްރާހީމް މުޙައްމަދު ޞާލިޙް ހޮނިހިރު ދުވަހު މ. އަތޮޅަށް ވަޑައިގަންނަވަން ހަމަޖެހިއްޖެއެވެ.
ރައީސް އޮފީހުގެ ތަރުޖަމާން މިއުވާން މުޙައްމަދު ވިދާޅުވީ ރައީސް, މ. އަތޮޅަށް ކުރައްވާ ދެ ދުވަހުގެ މި ދަތުރުފުޅުގައި އެ އަތޮޅުގެ ފަސް ރަށަކަށް ވަޑައިގަތުމަށް ހަމަޖެހިފައިވާ ކަމަށެވެ. އޭގެ ތެރޭގައި ރަތްމަންދޫ، މަޑުއްވަރީ، ދިއްގަރު، ވޭވަށް އަދި މުލި ހިމެނެއެވެ.
ރައީސްގެ މި ދަތުރުފުޅުގައި އެ ރަށްރަށުގައި ހިނގަމުންދާ މަޝްރޫއުތައް ކުރިއަށްދާ ގޮތް ބައްލަވައިލައްވާނެ ކަމަށް ރައީސް އޮފީހުން ވަނީ މައުލޫމާތުދީފައެވެ.
އެގޮތުން ދިއްގަރު ގޮނޑުދޮށް ހިމާޔަތްކުރުމުގެ މަޝްރޫއު ނިންމުމުގެ ރަސްމިއްޔާތާއި ވޭވަށު ބަނދަރާއި އިންޖީނުގެ ހުޅުވުމުގެ ރަސްމިއްޔާތުގައި ރައީސް ބައިވެރިވެވަޑައިގަތުމަށް ހަމަޖެހިފައިވެއެވެ.
ރައީސް މ. އަތޮޅަށް ކުރައްވާ މި ދަތުރުފުޅު ނިންމަލެއްވުމަށްފަހު، އެނބުރި މާލެ ވަޑައިގަންނަވާނީ ހޯމަ ދުވަހުއެވެ.
