ކޮރަޕްޝަނާއި ވައްކަމުގެ އިތުރުން މަނީ ލޯންޑަރިންގެކުށް ސާބިތުވެ މެލޭޝިޔާގެ ކުރީގެ ބޮޑުވަޒީރު ނަޖީބު ރައްޒާގު 12 އަހަރަށް ޖަލަށް ލާން ކުރި ހުކުމް އެ ގައުމުގެ އެންމެ މަތީ ކޯޓު ކަމަށްވާ ފެޑަރަލް ކޯޓުން ދެމެހެއްޓުމުން އެ ގައުމުގެ އާއްމުން އުފާ ފާޅުކުރަން ފަށައިފިއެވެ.

އަންގާރަ ދުވަހު ކޯޓުން އެގޮތަށް ނިންމުމާއި ގުޅިގެން، އާއްމުން ވަނީ ޓްވިޓާގައި ވެސް އުފާ ފާޅުކޮށްފައެވެ. އަދި މިއީ އެހެން ސިޔާސީ މީހުންނަށް ލިބޭ ވަރުގަދަ ފިލާވަޅެއް ކަމަށް އެފަދަ ފަރާތްތަކުން ދަނީ ބުނަމުންނެވެ. އުމުރުފުޅުން 69 އަހަރުގެ ނަޖީބު ރައްޒާޤް އަކީ މެލޭޝިޔާގައި ޖަލު ހުކުމެއް ފުރިހަމަކުރައްވަން ޖެހިވަޑައިގަންނަވާނެ ފުރަތަމަ ބޮޑުވަޒީރު ކަމަށް ވާއިރު, ޖަލުހުމުގެ އިތުރުން 46 މިލިއަންޑޮލަރުގެ ޖޫރިމަނާ އެއްވެސް އެމަނިކުފާނު ދައްކަވަން ޖެހިވަޑައިގަންނަވާނެއެވެ.

ނަޖީބުގެ މަައްޗަށް ކޮށްފައިވާ ދައުވާތައް ސާބިތުވާކަމަށް ނިންމާ މެލޭޝިއާގެ ތިރީކޯޓަކުން ހުކުމްކޮށްފައި ވަނީ 2020 ވަނަ އަހަރުގެ ޖުލައި މަހުގެ ތެރޭގައވެެ އެވެ. ނަމަވެސް 2018 ވަނަ އަހަރުން ފެށިގެން އޭނާ ހުންނެވީ ޝަރީއަތް ނިމެންދެން ކަފާލާތުގެ ދަށުން މިނިވަންކޮށްފައެވެ. ގިނަ ތުހުމަތުތަކެއް ނަޖީބު ރައްޒާގަށް ކުރެވެމުންދާއިރު، އޭނާގެ މައްޗަށް ދައުވާކޮށް ހުކުމްކޮށްފައިވަނީ ގާނޫނާއި ގަވާއިދާ ޚިލާފަށް އެސްއާރުސީ އިންޓަރނޭޝަނަލުން 10 މިލިޔަން އެމެރިކާ ޑޮލަރު އޭނާގެ ބޭންކް އެކައުންޓަކަށް ޖަމާކުރެއްވި މައްސަލާގައެވެ. އެ އެ މައްސަލަ އިސްތިއުނާފު ކުރުމުން ކޯޓުން ނިންމާފައިވަނީ ހައި ކޯޓުގެ ހުކުމް ރަނގަޅު ކަމަށެވެ.