ދާންދޫ ކުނިގޮނޑުން ކަށިގަނޑެއް ފެނިއްޖެ
22 އޯގަސްޓު 2022 | ހޯމަ 00:22ކަށިގަނޑެއް ފެނިގެން ރިޕޯޓްކޮށްފައި ވަނީ އާދިއްތަ ދުވަހުގެ ރޭގެ ވަގުތެއްގައި
ނަޒާހަތު އިބްރާހިމް ރަޝީދު | 22 އޯގަސްޓު 2022 | ހޯމަ 00:22
ދާންދޫ ކުނިގޮނޑުން ފެނުނު ކަށިގަނޑު
ގއ. ދާންދޫން ކުނިގޮނޑުން ކަށިގަނޑެއް ފެނިއްޖެއެވެ.
ފުލުހުން ބުނީ ދާންދޫ ކުނިގޮނޑުން ކަށިގަނޑެއް ފެނިގެން ރިޕޯޓްކޮށްފައި ވަނީ އާދިއްތަ ދުވަހުގެ ރޭގެ ވަގުތެއްގައި ކަމަށެވެ. އަދި ފުލުހުން ބެލި ބެލުމުން އެއީ ގިނަ ދުވަސް ވެފައިވާ ކަށިގަނޑެއްކަން ފާހަގަކުރެވިފައިވާ ކަމަށް ވެސް ފުލުހުން ވަނީ ބުނެފައެވެ. އެހެންނަމަވެސް އެއީ އިންސާނެއްގެ ކަށިގަނޑުކަން ނުވަތަ ނޫންކަން މިހާތަނަށް އައި އިރު ދެނެގަނެވިފައި ނުވާ ކަމަށް ފުލުހުން ވަނީ ހާމަކޮށްފައެވެ.
ފުލުހުން އަދި މި މައްސަލަ އާއި ގުޅޭ އިތުރު ތަފްސީލް ހާމަކޮށްފައެއް ނުވެއެވެ. އަދި މި މައްސަލަ އާއި ގުޅޭ އިތުރު ކަންކަން ބަލަމުންދާ ކަމަށް ވެސް ފުލުހުން ވަނީ ބުނެފައެވެ.
