ދިވެހި ލީގު ކޮލިފިކޭޝަން ފަށާނީ ބުދަ ދުވަހު

ދިވެހި ޕްރިމިއަރ ލީގު ކޮލިފިކޭޝަން ބުދަ ދުވަހު ފަށަން ނިންމައިފިއެވެ.

އަންނަ ސީޒަންގެ ދިވެހި ޕްރިމިއަރ ލީގުގެ ފަހު ދެ ޖާގަ ލިބޭ ޓީމެއް ކަނޑައެޅުމަށް ކުޅޭ ކޮލިފިކޭޝަންގައި ވާދަކުރާނީ، މިސީޒަންގެ ލީގުގެ ފުލަށްދިޔަ ދެ ޓީމްކަމަށްވާ ސުޕަރ ޔުނައިޓެޑް ސްޕޯރޓްސް (ސަސް)އާއި, ދަ ގްރާންޑޭގެ އިތުރުން، ދެވަނަ ޑިވިޝަންގެ ޗެމްޕިއަން ބުރު ސްޕޯރޓްސް ކްލަބާއި ރަނަރަނަޕް، ކްލަބް ޓީނޭޖެވެ. ކޮލިފިކޭޝަން ފުރަތަމަ މެޗުގައި ބުދަ ދުވަހު ހަވީރު ވާދަކުރާނީ ސަސްއާއި ބުރެވެ. އެރޭ ކުޅޭ ދެވަނަ މެޗުގައި ވާދަކުރާނީ ކްލަބް ޓީނޭޖާއި ދަ ގްރާންޑޭއެވެ. ކޮލިފިކޭޝަން ބުރު ނިމޭނީ މިމަހުގެ 30 ވަނަ ދުވަހުގެ ރެއެވެ.

ފުރަތަމަ ޑިވިޝަންގެ ޖާގަ ލިބޭނީ ހަތަރު ޓީމްގެ މެދުގައި ލީގުބުރެއް ކުޅެ ނިމޭއިރު އެއްވަނަ އަދި ދެވަނަ ހޯދާ ޓީމަށެވެ.