ހުޅުމާލެ ބީޗުން ނުރައްކާތެރި ޖެލީފިޝްތަކެއް ފެންނާތީ ސަމާލުވުމަށް އެދިއްޖެ
17 އޯގަސްޓު 2022 | ބުދަ 13:53މި ޖެލީ ފިޝް ޖެހޭ ތަންތަން ރަތްވެފައި، ދުޅަވެ އަދި ދިލަ ނަގާނެ
"ޕޯޗުގީޒް މޭން އޮފް ވަރ" ޖެލީފިޝް
ހުޅުމާލެ ބީޗު ސަރަހައްދުން ނުރައްކާތެރި ޖެލީފިޝްތަކެއް ފެންނާތީ ސަމާލުވުމަށް އެޗްޑީސީ އިން އެދިއްޖެއެވެ.
އެޗްޑީސީ އިން ހާމަ ކޮށްފައިވާ ގޮތުގައި އެ ސަރަހައްދުން ފެންނަނީ ޖެލީފިޝްގެ ބާވަތެއް ކަމަށްވާ "ޕޯޗުގީޒް މޭން އޮފް ވަރ" އެވެ. މި ޖެލީފިޝް އިންސާނުންގެ ގައިގައި ޖެހުމުން އެ ޖެހޭތަން ދުޅަވުމާއި ރަތްވުމާއި ދިލަނެގުން ފަދަ ކަންކަން ދިމާވާނެއެވެ.
މިއީ މާ ވިހަގަދަ ޖެލީފިޝްތަކެއް ނޫނެވެ.
މި ޖެލީފިޝްތައް މި ދުވަސްވަރު ހުޅުމާލޭގެ ފުރަތަމަ ފިޔަވައްސާއި ދެވަނަ ފިޔަވަހިންވެސް ފެންނައިރު މޫދަށް ދާ ފަރާތްތަކުން އެކަމަށް ސަމާލުވުމަށް އެޗްޑީސީން ވަނީ އިލްތިމާސްކޮށްފައެވެ.
މިފަދަ ޖެލީފިޝްތައް އެކި މޫސުންތަކުގައި ގިނަވުމަކީ އެކަށީގެންވާ ކަމެކެވެ. މިދިޔަ އަހަރު ވެސް އަހަރުގެ ފަހުކޮޅާ ދިމާކޮށް މިފަދަ ޖެލީފިޝްތައް ރާއްޖޭގެ އެކި ހިސާބުތަކުން ފެނިފައިވެއެވެ.
