ނީލަން ފިހާރައިގައި ރޯވި އަލިފާންގަނޑު އެމްއެންޑީއެފުން ނިއްވާލައިފި
އަލިފާން ރޯވީ 7:00 ހާއިރު
ނީލަން ފިހާރައިގައި ރޯވި އަލިފާން ނިއްވާލުމަށް އެމްއެންޑީއެފް އެފްއާރުއެސްއިން ހަރަކާތްތެރި ވަނީ
ނީލަން ފިހާރައިގައި ރޯވި އަލިފާންގަނޑު އެމްއެންޑީއެފް ފަޔަރ އެންޑް ރެސްކިޔު ސަރވިސްއިން ނިއްވާލައިފިއެވެ.
މި ހާދިސާގެ މަޢުލޫމާތު މިއަދު ހެނދުނު 07:00 ހާއިރު އެފްއާރުއެސްއަށް ލިބުމާއެކު އަލިފާން ނިއްވަން ބޭނުންކުރާ ސާމާނާއެކު ފަޔަރ ފައިޓަރުންގެ ޓީމެއް ވަނީ އެސަރަހައްދަށްގޮސް، އަލިފާން ނިއްވުމުގެ މަސައްކަތް ފަށައިފައެވެ.
ފަޔަރ ފައިޓަރުންގެ މަސައްްކަތުން އަލިފާންގަނޑު އެއްކޮށް ކޮންޓްރޯލް ކުރެވިފައި ވަނީ 07:36 ހާއިރުއެވެ.
ނީލަން ފިހާރައިގައި ރޯވި އަލިފާން ނިއްވާލުމަށް އެމްއެންޑީއެފް އެފްއާރުއެސްއިން ހަރަކާތްތެރި ވަނީ
މިހާދިސާގައި އަލިފާން ރޯވެފައި ވަނީ އެތަނުގައި ހުރި ލަކުޑިތަކެއްގައެވެ. އަދި މިހާދިސާގައި އެއްވެސް މީހަކަށް ހާނިއްކައެއް ލިބިފައެއް ނުވެއެވެ.
އެމްއެންޑީއެފުން ބުނީ މި މައްސަލަ ފުލުހުން ތަހްގީގުކުރަމުންދާ ކަމަށެވެ.
