ޤައުމީ ނެޓްބޯޅަ މުބާރާތުގެ ޗެމްޕިއަންކަން ކުޅުދުއްފުށްޓަށް
23 ޖުލައި 2022 | ހޮނިހިރު 12:11ދެވަނަ ޑިވިޝަންގެ ޗެމްޕިއަންކަން ހޯދީ ޔޫތް ޔުނައިޓެޑް ސްޕޯރޓްސް ކްލަބް
ޤައުމީ ނެޓްބޯޅަ މުބާރާތުގެ ޗެމްޕިއަން ކުޅުދުއްފުށި: ފޮޓޯ-ޔޫތް މިނިސްޓްރީ
ޤައުމީ ނެޓްބޯޅަ މުބާރާތުގެ ޗެމްޕިއަންކަން ކުޅުދުއްފުށި ޔޫތް އެންޑް ރެކްރިއޭޝަން ކްލަބުން ހޯދައިފިއެވެ. ފުރަތަމަ ޑިވިޝަންގެ ޗެމްޕިއަންކަން ކުޅުދުއްފުށިން ހޯދީ ފައިނަލްގައި ކްލަބް ގްރީން ސްޓްރީޓްސް ބަލިކޮށްގެންނެވެ.
ފައިނަލްގައި ގްރީން ސްޓްރީޓްސްގެ މައްޗަށް ކުޅުދުއްފުށި ޔޫތް އެންޑް ރެކްރިއޭޝަނުން ކްލަބުން ކުރި ހޯދީ 55-46 ޕޮއިންޓުންނެވެ. ފައިނަލް މެޗުގެ މޮޅު ކުޅުންތެރިއަކީ ކުޅުދުއްފުށި ޓީމްގެ މަރިޔަމް ސިނާއަތެވެ. މުބާރާތުގެ އެންމެ މޮޅު ކުޅުންތެރިއަކީވެސް އޭނާއެވެ. މުބާރާތުގެ އެންމެ އުއްމީދީ ކުޅުންތެރިއަކީ ސްޕޯރޓްސް ކްލަބް ސައިނިންގ ސްޓާރގެ އައިމިނަތު އައިނީއެވެ. މުބާރާތުގެ އެންމެ މޮޅު ހަތް ކުޅުންތެރިންނަކީ ކުޅުދުއްފުށި ޓީމްގެ ހަމްނާ އަބުދުއްރަހީމް, މަރިޔަމް ސިނާއަތު, މަރިޔަމް ރަނާ, އައިޝަތު ސަލީމާ, ގްރީން ސްޓްރީޓްސްގެ އައިމިނަތު ރީމް ޝާމް, އަދި ސްޕޯރޓްސް ކްލަބް ޝައިނިންގ ސްޓާރގެ އައިޝަތު ޒީކް ޝިޔާމްއެވެ.
މުބާރާތުގެ ފުރަތަމަ ޑިވިޝަންގައި ވާދަކުރީ ހަތަރު ޓީމެވެ. ހަތް ޓީމް ވާދަކުރި ދެވަނަ ޑިވިޝަންގެ ޗެމްޕިއަންކަން ހޯދީ ޔޫތް ޔުނައިޓެޑް ސްޕޯރޓްސް ކްލަބެވެ. އެއީ ފައިނަލްގައި ވިޔަންސާ ބަލިކޮށްގެންނެވެ. ދެވަނަ ޑިވިޝަންގެ އެންމެ މޮޅު ކުޅުންތެރިއަކީ ޔޫތް ޔުނައިޓެޑް ސްޕޯރޓްސް ކްލަބްގެ ޖުނެއިނާ އަހުމަދު އިޝްހާގެވެ.
