ޔަންގް ޝޫޓަރސް ފައިނަލަށް
މި މެޗު ޔަންގް ޝޫޓަރސްއިން ކާމިޔާބުކުރީ 4-2ން
މުބާރާތުގައި ވާދަކުރާ ޔަންގް ޝޫޓަރސް ޓީމް
ނ. ހެނބަދޫގައި މިހާރު ކުރިއަށްދާ ޖޯޝް ޗެމްޕިއަންޝިޕްގެ ފައިނަލްގެ ފުރަތަމަ ޖާގަ ޔަންގް ޝޫޓަރސް ކަށަވަރުކޮށްފިއެވެ.
ޔަންގް ޝޫޓަރސްއިން މުބާރާތުގެ ފައިނަލުގެ ޖާގަ ޔަގީންކުރީ މިއަދު އެފްސީ ބްރަދާސްއާ ބައްދަލުކުރި މެޗު ކާމިޔާބުކޮށްގެންނެވެ. މި މެޗު ޔަންގް ޝޫޓަރސްއިން ކާމިޔާބުކުރީ 4-2ންނެވެ. ފުރަތަމަ ހާފުގައި ޔަންގް ޝޫޓަރސްގެ މުހައްމަދު މައުރޫފް އެޓީމަށް ލީޑު ނަގައިދިން ނަމަވެސް ބްރަދާސްގެ އިބްރާހިމް ޝަރީފް ވަނީ ދެލަނޑު ޖަހާ ނަތީޖާ އަނބުރާލާފައެވެ.
ޔަންގް ޝޫޓަރސް މެޗު ކާމިޔާބުކުރީ ފަހު ހާފުގައި ތިން ލަނޑު ޖަހައިގެންނެވެ. ޔަންގް ޝޫޓަރސްއަށް ނަތީޖާ ހަމަހަމަ ކޮށްދިނީ އަހުމަދު ޝާހީންއެވެ. އަނެއް ދެލަނޑު ޖެހީ އަހުމަދު ޝުއޫންއެވެ. މެޗުގެ މޮޅު ކުޅުންތެރިއަކީ ގިނަ ހަމަލާތަކެއް ދިފާއުކުރި ޔަންގް ޝޫޓަރސްގެ ގޯލް ކީޕަރު މުހައްމަދު ޝާހީންއެވެ.
މި ނަތީޖާއާއެކު ގްރޫޕްގެ އެއްވަނާގައި ޔަންގް ޝޫޓަރސް ފައިނަލުގެ ފުރަތަމަ ޖާގަ ހޯދިއިރު، ބްރަދާސް ޖެހޭނީ ސެމީ ފައިނަލުގައި ގްރޭވްސް އެފްސީއާ ބައްދަލުކުރާށެވެ. މި ސެމީން މޮޅުވާ ޓީމަކަށް ފައިނަލުގެ ފަހު ޖާގަ ޔަގީންވާނެއެވެ.
