ގްރީންއަށް މިފަހަރުވެސް އީގަލްސް އަތުން މޮޅެއްނުވެވުނު
21 ޖުލައި 2022 | ބުރާސްފަތި 13:55ގްރީން އޮތީ ހަތަރު ވަނާގައި
އީގަލްސްގެ ރިޒޭ ބޯޅަހިފައިގެން ދާން މަސައްކަތްކުރަނީ
ދިވެހި ޕްރިމިއަރ ލީގުގެ ތިންވަނަ ބުރުގައިވެސް ގްރީންގެ މައްޗަށް އީގަލްސް ކުރިހޯދައިފިއެވެ.
ތިންވަނަ ބުރުގައި ގްރީންގެ މައްޗަށް އީގަލްސްއިން ކުރިހޯދީ 3-1ންނެވެ. ތާވަލްގެ ދެވަނާގައި އޮތް އީގަލްސްއަށް މެޗުގައި ފުރަތަމަ ލަނޑު ޖަހައިދިނީ ބުރޫނޯ ވިނީޝިއަސްއެވެ. ފުރަތަމަ ހާފްގައި ދެވަނަ ގޯލް ޖެހީ ހަސަން ރާއިފް އަހުމަދުއެވެ. އީގަލްސްއިން ދެ ލަނޑުގެ ލީޑެއް ނަގާފައިވަނިކޮށް ފުރަތަމަ ހާފްގައި ގްރީންގެ ހަމައެކަނި ލަނޑު ޖެހީ އަހުމަދު ޖައިލަމްއެވެ. އީގަލްސްގެ ތިންވަނަ ލަނޑު ދެވަނަ ހާފްގައި ޖެހީ އަހުމަދު ނޫމާންއެވެ. އީގަލްސްއިން ވަނީ ލީގުގެ ތިން ބުރުގައިވެސް ގްރީން ބަލިކޮށްފައެވެ.
މިމޮޅާއެކު އީގަލްސް ދެވަނާގައި އޮތީ 19 މެޗުން 46 ޕޮއިންޓާއެކުއެވެ. މެޗުން އީގަލްސް މޮޅުވިޔަސް ލީގު ހޯދުމުގެ އަމިއްލަ ބާރެއް އީގަލްސްއަކަށް ނެތެވެ. ހުކުރު ދުވަހު ހަވީރު، ތާވަލްގެ ފުލުގައި އޮތް ދަ ގްރާންޑޭ ބަލިކޮށްގެން މާޒިޔާއަށް ލީގު ޗެމްޕިއަންކަން ކަށަވަރުކުރެވޭނެއެވެ. ގްރީން ސްޓްރީޓްސް އޮތީ 26 ޕޮއިންޓާއެކު ހަތަރު ވަނާގައެވެ.
ލީގުގައި ބުރާސްފަތިދުވަހުގެރޭ ވާދަކުރާނީ ޔުނައިޓެޑް ވިކްޓްރީއާއި ސުޕަރ ޔުނައިޓެޑް ސްޕޯރޓްސް (ސަސް)އެވެ.
