ފޯކައިދޫ ބަލިކޮށް، ފުނަދޫ ދެވަނަ މެޗުންވެސް މޮޅު
21 ޖުލައި 2022 | ބުރާސްފަތި 14:16ގްރޫޕްގެ އެއްވަނާގައި އޮތީ ފުނަދޫ
ފުނަދޫ ޓީމް
އެމްޓީސީސީ ނޯތު ލީގު/ ދެވަނަ ޑިވިޝަންގައި ފޯކައިދޫ ބަލިކޮށް, ފުނަދޫ ދެވަނަ މެޗުވެސް ކާމިޔާބުކޮށްފިއެވެ.
ތިން ޓީމް ހިމެނޭ ގްރޫޕްގައި, ފުނަދޫއިން ފޯކައިދޫގެ މައްޗަށް ކުރިހޯދީ 2-1ންނެވެ. މެޗުގައި ފުނަދޫއަށް ފުރަތަމަ ކުރިލިބުނީ ފޯކައިދޫ ކުޅުންތެރިއަކު އަތުން ބައިކޮޅަށް ވަން ގޯލުންނެވެ. ފުނަދޫގެ ދެވަނަ ލަނޑު ޖެހީ މުހައްމަދު ރިސްވާންއެވެ. ފޯކައިދޫގެ ހަމައެކަނި ލަނޑުޖެހީ އަބްދުﷲ ފަރުހާންއެވެ.
މިގްރޫޕްގައި ކޮންމެ ޓީމެއް ދެ މެޗު ކުޅުނުއިރު، ދެ މެޗުވެސް ކާމިޔާބުކޮށް ހަ ޕޮއިންޓާއެކު އެއްވަނާގައި އޮތީ ފުނަދޫއެވެ. ދެ މެޗުން ފޯކައިދޫއަށް ލިބެނީ ތިން ޕޮއިންޓެވެ. ކުޅުނު ދެމެޗުންވެސް ބަލިވެ، ފުލުގައި އޮތީ ށ. ނަރުދޫ ރަމްޒު ސްޕޯރޓްސްއެވެ. ނޯތު ލީގު އެއްވަނަ ޑިވިޝަނުން ޖާގަލިބޭނީ ކޮންމެ ޓީމެއް ކޮންމެ ޓީމަކާ ދެފަހަރު ވާދަކޮށް ކުރިހޯދާ ދެޓީމަށެވެ.
