ރާއްޖެއިން ތިން ވަނަ ރަން މެޑަލް ހޯދައިފި

ކ. މާފުށީގައި މިހާރު ކުރިއަށްދާ އޭޝިއަން ބޮޑީބިލްޑިންގ އެންޑް ފިޒިކް ޗެމްޕިއަންޝިޕްގައި ރާއްޖެއިން ތިންވަނަ ރަން މެޑަލް ހޯދައިފިއެވެ.

ރާއްޖެއަށް ތިންވަނަ ރަން މެޑަލް ހޯދައިދިނީ ހިމްޔާންއެވެ. ހިމްޔާން ރަން މެޑަލް ހޯދީ އެތުލެޓިކް ފިޒިކް 175 ސީއެމްގައި ވާދަކޮށްގެންނެވެ. އޭނާ ވާދަކޮށްފައިވަނީ އިރާގު، އިންޑޮނޭޝިއާ، ވިއެޓްނާމް، އުޒްބެކިސްތާން، އިންޑިއާ އަދި އީރާންގެ އެތުލީޓުންނާއެވެ. މި ކެޓަގަރީގައި ޖުމުލަ 15 އެތުލީޓުން ވާދަކުރިއިރު، ހިމްޔާން ވަނީ އެންމެ މަތިން ޕޮއިންޓު ހޯދައިގެން ރަން މެޑަލް ހޯދާފައެވެ.

މީގެ އިތުރުުން އެތުލެޓިކް ފިޒިކް 160 ސީއެމް ކެޓަގަރީގެ ރިހި މެޑަލާއި ބްރޯންޒް މެޑަލް ރާއްޖެއިން ވަނީ ހޯދާފައެވެ. މީގެ ތެރެއިން ރިހި މެޑަލް ހޯދީ  ފަތުހުﷲ މުހައްމަދެވެ. ރާއްޖޭގެ މުހައްމަދު ޒިދާން ވަނީ ބްރޯންޒް މެޑަލް ހޯދާފައެވެ. އަދި މުހައްމަދު އިމްރާހް ވަނީ އޯވާ 180 ސީއެމް ކެޓަގަރީގައި ވާދަކޮށް ބްރޯންޒް މެޑަލް ހޯދާފައެވެ.

ރާއްޖެއިން ވަނީ މީގެ ކުރިން ދެ ރަން މެޑަލް ހޯދާފައެވެ. ފުރަތަމަ ރަން މެޑަލް އަޒްނީން ރަޝާދު ހޯދީ ސްޕޯޓް ފިޒިކް 170 ސީއެމް ކެޓަގަރީންނެވެ. ދެ ވަނަ ރަން މެޑަލް މުހައްމަދު މޫސާ (މޯޑު) ހޯދީ ބޮޑީ ބިލްޑިން އަޕް 55 ކެޓަގަރީންނެވެ.

މުބާރާތުގައި ރާއްޖެއިން ވަނީ މިހާތަނަށް ހަ މެޑަލް ހޯދާފައެވެ. އެއީ 3 ރަން މެޑަލްއާއި، 2 ބްރޯންޒް މެޑަލް އަދި 1 ރިހި މެޑަލްއެވެ.