އީގަލްސްއިން މާޒިޔާއާއި ކައިރިކޮށްފި

ތާވަލްގެ ފުލުގައި އޮތް ދަ ގްރާންޑޭ ބަލިކޮށް, ކްލަބް އީގަލްސްއިން އެއްވަނައިގައި އޮތް މާޒިޔާއާއި ކައިރިކޮށްފިއެވެ.

ދަ ގްރާންޑޭ އަތުން ހޯދި މޮޅާއެކު އީގަލްސްއިން ވަނީ މާޒިޔާއާއި ދެ ޕޮއިންޓް އަށް ކައިރިކޮށްފައެވެ އީގަލްސްއިން ވަނީ 15 މެޗުން 37 ޕޮއިންޓް ހަމަކޮށްފައެވެ. މާޒިޔާ އެއްވަނައިގައި އޮތީ 14 މެޗުން 39 ޕޮއިންޓް އާއިއެކުގައެވެ. މާޒިޔާއަށް މިއަދު ހަވީރު ކްލަބް ގްރީން ސްޓްރީޓްސް ބަލިކޮށްގެން އަލުން އެލީޑް ފަސް ޕޮއިންޓް އަށް ފުޅާކުރެވޭނެއެވެ.

އީގަލްސް ދަ ގްރޭންޑޭ އަތުން މޮޅުވީ 3-1 ންނެވެ. މެޗުގެ ނުވަ ވަނަ މިނިޓްގައި އީގަލްސްއަށް ކުރި ހޯދައިދިނީ މެޑެއިރޯސްއެވެ. ހާފް ނިމުމުގެ ކުރިން އީގަލްސްގެ ދެވަނަ ލަނޑު ޖެހީ އަހުމަދު ރިޒްވާންއެވެ. ދެވަނަ ހާފްގައި ތިންވަނަ ލަނޑުވެސް ޖެހީ ރިޒުވާންއެވެ. މެޗުގެ މޮޅު ކުޅުންތެރިއަކީވެސް ފުރަތަމަ ލަނޑު ޖަހަން ފުރުޞަތު ތަނަވަސްކޮށްދިން ރިޒޭއެވެ. މެޗުގައި ދަ ގްރާންޑޭގެ ހަމައެކަނި ލަނޑު ޖެހީ އިސްމާއީލް މަފާޒްއެވެ.

ދަ ގްރާންޑޭ އަދިވެސް ތާވަލްގެ ފުލުގައި އޮތީ ޕޮއިންޓް އަކާއިއެކުއެވެ. އެއީ ފުރަތަމަ ބުރުގައި ހޯދި ޕޮއިންޓް އެވެ.