8 ބޯލް ޗެމްޕިއަންޝިޕްގެ ޗެމްޕިއަންކަން ހޯދީ ޝާޒްއާއި އައިމިނަތު ފަތީ
1 ޖުލައި 2022 | ހުކުރު 02:1479 ކުޅުންތެރިން ވާދަކުރި
8 ބޯލް ޗެމްޕިއަންޝިޕްގެ ފައިނަލްގައި ވާދަކުރި ކުޅުންތެރިން: ފޮޓޯ-ބިލިއަޑް އެސޯސިއޭޝަން
އެއިޓްބޯލް ޗެމްޕިއަންޝިޕްގެ ޗެމްޕިއަންކަން ހަސަން ޝާޒް މުޙައްމަދާއި, އައިމިނަތު ފަތީ ހޯދައިފިއެވެ.
ރޭންކިންގެ އެއްވަނާގައި އޮތް ޝާޒް ފިރިހެން ޑިވިޝަންގެ ޗެމްޕިއަންކަން ހޯދީ ފައިނަލްގައި ހުސެއިން ފަޔާޒް ބަލިކޮށްގެންނެވެ. ފައިނަލްގައި ބަލިވިޔަސް މުބާރާތުގައި އެންމެ ގިނަ ރަންއައުޓް ހެދީ ހުސެއިން ފަޔާޒުއެވެ. ފިރިހެން ޑިވިޝަންގެ ތިންވަނަ ކުޅުންތެރިއަކީ މުޙައްމަދު ޝަރީފްއެވެ. ހަތަރުވަނަ ކުޅުންތެރިއަކީ އަލީ ފަޔާޒުއެވެ.
އަންހެން ޑިވިޝަންގެ ޗެމްޕިއަންކަން އައިމިނަތު ފަތީ ހޯދީ ފައިނަލްގައި ދީނާ އަހުމަދު ބަލިކޮށްގެންނެވެ. އަންހެން ޑިވިޝަންގައި އެންމެގިނަ ރަން އައުޓް ހެދީވެސް ޗެމްޕިއަންކަން ހޯދި ފަތީއެވެ. މުބާރާތުގެ އަންހެން ޑިވިޝަންގެ ތިންވަނަ ކުޅުންތެރިއަކީ އައިމިނަތު އަޒުރާއެވެ. ހަތަރުވަނަ ކުޅުންތެރިއަކީ އައިމިނަތު ހަލީމްއެވެ.
މުބާރާތުގެ ފިރިހެން ޑިވިޝަންގައި 64 ކުޅުންތެރިން އަދި އަންހެން ޑިވިޝަންގައި 15 ކުޅުންތެރިން ވާދަކުރިއެވެ.
