ސަސް ބަލިކޮށް، ގްރީންއިން ސަސްއާ އެއް ހަމައަކަށް!

އުރީދޫ ދިވެހި ޕްރިމިއަރ ލީގުގައި ސުޕަރ ޔުނައިޓެޑް ސްޕޯރޓްސް (ސަސް) ބަލިކޮށް, ކްލަބް ގްރީން ސްޓްރީޓްސްއިން ސަސްއާ އަރާ ހަމަކޮށްފިއެވެ.

މިނަތީޖާއާއެކު ދެޓީމްވެސް އޮތީ 13 މެޗުން 14 ޕޮއިންޓާއެކުއެވެ. ލަނޑުގެ ތަފާތުން ކުރީގައި އޮތީ ސަސްއެވެ. މިއަދު ގްރީން ސްޓްރީޓްސްއިން މެޗު ކާމިޔާބުކުރީ 3-1 ނެވެ. މެޗުގެ ފުރަތަމަ ހާފްގައި ގްރީންއަށް ކުރި ހޯދައިދިނީ ކެޕްޓަން ރިލްވާން ވަހީދެވެ. އެކަމަކު ފުރަތަމަ ހާފްގެ އިތުރު ވަގުތުގައި އަހުމަދު އައިހަމް ލަނޑު ޖަހާ ސަސްއަށް ނަތީޖާ ހަމަހަމަކޮށްދިނެވެ. ގްރީންއިން ދެވަނަ ފަހަރަށް ކުރިހޯދީ އަންސަރު އިބްރާހީމްގެ ލަނޑުންނެވެ. ގްރީންގެ ލީޑް ފުޅާކޮށްދިނީ އަންސަރުގެ އެހީގައި އަވީލާއެވެ. މެޗުގެ މޮޅު ކުޅުންތެރިއަކީ ގްރީންގެ ދެވަނަ ލަނޑު ޖެހި އަންސަރު އިބްރާހީމް (އަންކޮ) އެވެ. މިދެޓީމަށްވުރެ އިތުރަށް ޕޮއިންޓް ހޯދާފައިވަނީ އެއްވަނައިގައި އޮތް މާޒިޔާއާއި, ދެވަނައިގައި އޮތް އީގަލްސްއާއި, ތިންވަނައިގައިވާ ޔުނައިޓެޑް ވިކްޓްރީއާއި, ޓީސީއާއި ވެލެންސިޔާއެވެ. މިދެޓީމަށްވުރެ ފަހަތުގައި އޮތީ ޕޮއިންޓްއަކާއެކު އޮތް ދަ ގްރާންޑޭއެވެ.

ލީގުގައި ބުދަ ދުވަހުގެ ރޭ ވާދަކުރާނީ މާޒިޔާއާއި ޓީސީއެވެ.