ބާންލީގެ ކޯޗަކަށް ކޮމްޕެނީ ހަމަޖައްސައިފި

ބަރންލީގެ ކޯޗަކަށް ވިންސެޓް ކޮމްޕެނީ ހަމަޖައްސައިފިއެވެ.

މީގެ ކުރިން ކޮމްޕެނީ ހުރީ ބެލްޖިއަމްގެ ރޯޔަލް ސްޕޯޓްސް ކުލަބް އެންޑާލެޗްގައެވެ. ބަރންލީއާ ހަވާލުވުމަށްފަހު ކޮމްޕެނީ ބުނީ ބަރންލީ އަކީ އިނގިރޭސި ފުޓުބޯޅައިގެ ތާރީޚެއް އޮތް ޓީމެއް ކަމަށެެވެ. އަދި ބަރންލީގެ ކޯޗަކަށްވުމަކީ އޭނާއަށް ލިބޭ ވަރަށް ބޮޑު އުފަލެއް ކަމަށެވެ. އަދި މިއީ އައު ޗެލެންޖެއް ކަމަށްވެސް އޭނާ ވަނީ ބުނެފައެވެ.

މީގެ އިތުރުން އޭނާ ބުނީ ބަރންލީގެ ކުޅުންތެރިންނާއިއެކު ކުރިއަށް ދާން ބޭނުންވާ ކަމަށާއި، ސަޕޯޓަރުންނަށް މޮޅު ޓީމެއް ދައްކަން ބޭނުންވާކަމަށެވެ. އަދި ބަރންލީގެ ކުރިމަގާ މެދު އެ ޓީމުގެ ބޯޑުން ގެންގުޅޭ ވިސްނުމާމެދު އޭނާ ހިތްހަމަ ޖެހޭ ކަމަށެވެ. އަދި ބަރންލީ ނިކުންނާނީ މުހިންމު ސީޒަނަކަށް ކަމަށާއި، އޭނާގެ ދައުރު ދައްކަން ބޭނުންވާ ކަމަށެވެ.

ބަރންލީގެ ޗެއާމަން އާލަން ބުނީ ކޮމްޕެނީއަށް މުޅި ޓީމުގެ ފަރާތުން މަރުހަބާ ކިޔާކަމަށެވެ. އަދި އޭނާ ފާހަގަ ކުރި ގޮތުގައި ކޮމްޕެނީއަކީ ލީޑަރެއްކަން އޭނާ ސާބިތުކޮށްދީފައިވާކަމަށެވެ. އަދި ބަރންލީ އަލުން އަނބުރާ ޕްރިމިއަރ ލީގަށް ގެންދިޔުމަށް ކޮމްޕެނީއާއެކު އިތުރު ހިތްވަރެއް ލިބޭނެކަމަށެވެ. އޭނާ ވަނީ ކޮމްޕެނީ އެންޑާލެޗްގައި ކުރި މަސައްކަތަށް ވަރަށް ބޮޑަށް ތައުރީފުކޮށްފައެވެ.

ބަރންލީން ވަނީ ނިމުނު ސީޒަނުގައި އެކަލަބަށް ދިގު މުއްދަތެއްގައި އިރުޝާދު ދިން ޝޯން ޑައިޝް ކޯޗުކަމުން ވަކިކޮށްފައެވެ. ވަގުތީ ކޯޗު މައިކް ޖެކްސަންއަށްވެސް ކްލަބް ރެލިގޭޓެވިޔަ ނުދީ ސަލާމަތްނުކޮށްދެވުނެވެ. ކޮމްޕެނީ ވަނީ މެންޗެސްޓަރ ސިޓީގައި ހޭދަކުރި 11 އަހަރުގެ ތެރޭގައި 4 ޕްރިމިއަރ ލީގު އުފުލާލާފައެވެ. އެމުއްދަތުގައި 11 ތަށި ހޯދިއެވެ. ފުރަތަމަ ކޯޗިންގ މަސައްކަތް ފެށީ ކުޅުންތެރިއެއްގެ ގޮތުގަ ހުރެއެވެ. ކޯޗިންގ އަށް ހުސްވީ 2020 ވަނަ އަހަރުއެވެ.