"ޕަވަރ ޓު ޕާރސުއޭޑް" ޓްރެއިނިންގ އޮފް ޓްރެއިނަރޒް ޕްރޮގްރާމުގެ ނިންމުމުގެ ރަސްމިއްޔާތު ބާއްވައިފި
މި ޕްރޮގްރާމަކީ ސިޔާސަތުތައް އެކަށައެޅުމުގައި ނުކުޅެދުންތެރިކަން ހުންނަ އަންހެނުންގެ ބައިވެރިވުން އިތުރުކުރުމަށް ހިންގި ޕްރޮގްރާމެއް
ޕަވަރ ޓު ޕާރސުއޭޑް ޓްރެއިނިންގ އޮފް ޓްރެއިނަރޒް ޕްރޮގްރާމުގެ ނިންމުމުގެ ރަސްމިއްޔާތުގެ ތެރެއިން
"ޕަވަރ ޓު ޕާރސުއޭޑް" ޓްރެއިނިންގ އޮފް ޓްރެއިނަރޒް ޕްރޮގްރާމުގެ ނިންމުމުގެ ރަސްމިއްޔާތު ރައީސުލްޖުމްހޫރިއްޔާގެ އަނބިކަނބަލުން ފަޒްނާ އަޙްމަދު ޝަރަފުވެރިކޮށްދެއްވައިފިއެވެ.
"ޕަވަރ ޓު ޕާރސުއޭޑް: ލީޑަރޝިޕް އެންޑް އެޑްވޮކަސީ ޓްރެއިނިނގް ފޯރ ވުމަން ވިތް ޑިސްއެބިލިޓީސް" ޕްރޮގްރާމަކީ ސިޔާސަތުތައް އެކަށައެޅުމުގައި ނުކުޅެދުންތެރިކަން ހުންނަ އަންހެނުންގެ ބައިވެރިވުން އިތުރުކުރުމާއި ބާރުވެރިކުރުމުގެ ގޮތުން ޔޫއެސް އެއިޑްގެ އެހީތެރިކަމާއެކު ކެއަރ ސޮސައިޓީން ކުރިޔަށްގެންދިޔަ ޕްރޮގްރާމެކެވެ. ޕްރޮގްރާމް ކުރިޔަށްގެންގޮސްފައިވަނީ އައްޑޫސިޓީއާ ހދ އަތޮޅާއި ލ އަތޮޅުގެ އިތުރުން މާލެ އަތޮޅަށް އަމާޒުކޮށްގެންނެވެ.
ޓްރެއިނިންގ އޮފް ޓްރެއިނަރޒް ޕްރޮގްރާމުގެ ނިމުން ފާހަގަކުރުމުގެ ގޮތުން ޗަންޕާ ސެންޓްރަލް ހޯލްގައި ބޭއްވި ރަސްމިއްޔާތުގައި ރައީސުލްޖުމްހޫރިއްޔާގެ އަނބިކަނބަލުން ވަނީ ބައިވެރިންނަށް ސެޓްފިކެޓް ހަވާލުކޮށްދެއްވާފައެވެ.
މި ޕްރޮގްރާމުގައި މިއިން ކޮންމެ ސަރަޙައްދަކުން ދެ ބައިވެރިއަކު ބައިވެރިވިއެވެ. އަދި ޓްރެއިނިންގ އޮފް ޓްރެއިނަރޒް ޕްރޮގްރާމު ފުރިހަމަ ކުރާ ފަރާތްތައް އެ ހަތަރު ސަރަޙައްދުގައި ތިބި ނުކުޅެދުންތެރިކަން ހުންނަ ޖުމްލަ 100 އަންހެނުން ތަމްރީނު ކުރުމަށް ހަމަޖެހިފައިވެއެވެ.
