ބަޔާންއަށް ގްނަބްރީއާއެކު އެއްބަސްވުމަކަށް ނާދެވޭ

ޖަރުމަނު ލީގުގެ ބަޔާން މިއުނިކަށް ކުޅެމުން އަންނަ ވިންގަރ ސާޖް ގްނަބްރީއާއެކު އެއްބަސްުމަކަށް ނާދެވޭ ކަމަށް ބަޔާންގެ ރައީސް ހާބާޓް ހައިނާ ބުނެފިއެވެ.

މިސީޒަނަށްފަހު ގްނަބްރީ ބަޔާން ދޫކޮށްލަން އުޅޭ ކަމުގެ އަޑުތަކެއް ވަނީ ފެތުރިފައެވެ. ނަމަވެސް ބަޔާނުން ބޭނުންވަނީ އޭނާ އެ ކުލަބުގައި މަޑުކުރުމަށެވެ. އަދި ބަޔާނުން އަންނަނީ އެކަމާ ގުޅޭ މަޝްވަރާތައް ގްނަބްރީއާ ކުރަމުންނެވެ.

ގްނަބްރީގެ ކުރިމަގާ ގުޅޭގޮތުން ބަޔާންގެ ރައީސް ބުނީ ބަޔާނުން ގްބަރިއާ ވާހަކަދައްކަމުން އަންނަތާ ގިނަ ދުވަސްތަކެއްވެއްޖެ ކަމަށެވެ. ނަމަވެސް، އަދިވެސް އޭނާއާއެކު އެއްބަސްވުމަކަށް ނާދެވޭ ކަމަށް ބަޔާންގެ ރައީސް ބުންޏެވެ. މީގެ އިތުރުން ބަޔާންގެ ރައީސް ބުނީ ތަފާތު ބައިވަރު އުންމީދުތައް ހުރިކަމަށެވެ. ނަމަވެސް އަދިވެސް ބަޔާނުން މަސައްކަތް ކުރަމުން އަންނަ ކަމަށެވެ.

އުމުުރުން 26 އަހަރުގެ ގްނަބްރީ ބަޔާނަށް ބަދަލުވީ 2017 ވަނަ އަހަރުއެވެ. އޭގެ ކުރިން އޭނާ ވަނީ އާސެނަލަށް ވެސް ކުޅެފައެވެ. ބަޔާނަށް ބަދަވު ފަހުން އޭނާ ވަނީ ލޯނު އެއްބަސްވުމެއްގެ ދަށުން އެހެން ޓީމަކަށް ކުޅެފައެވެ. ގްންބަރީ ވަނީ ބަޔާނަށް 171 މެޗު ކުޅެދީ 63 ލަނޑު ޖަހައިދީފައެވެ. އޭނާ ވަނީ ބަޔާނާއެކު ޖަރުމަނު ލީގު ހަތަރު ފަހަރު، ޖަރުމަނު ކަޕް ދެ ފަހަރު، ޖަރުމަނު ސުޕަ ކަޕް ދެ ފަހަރު ޔުއެފާ ޗެމްޕިއަންސް ލީގު އެއް ފަހަރު، ޔުއެފާ ސުޕަ ކަޕް އެއް ފަހަރު އަދި ފީފާ ކުލަބް ވޯލްޑް ކަޕް އެއް ފަހަރު ހޯދުުން ހިމެނެއެވެ.