16 އަހަރުން ދަށުގެ ޔޫތް ޗެމްޕިއަންޝިޕް މާދަމާ ފަށަނީ

16 އަހަރުން ދަށުގެ ޔޫތް ޗެމްޕިއަންޝިޕް މާދަމާ ފަށަން އެފްއޭއެމްއިން ނިންމައިފިއެވެ.

މުބާރާތް ހުޅުވައިދޭނީ ޓީސީއާއި, މާޒިޔާއެވެ. މިމެޗު ކުޅޭނީ މާދަމާ ހަވީރުއެވެ. މާދަމާރޭ ކުޅޭ ދެވަނަ މެޗުގައި ވާދަކުރާނީ ސުޕަރ ޔުނައިޓެޑް ސްޕޯރޓްސް (ސަސް)އާއި, ޔުނައިޓެޑް ވިކްޓްރީއެވެ. ބުރާސްފަތި ދުވަހު ވާދަކުރާ ހަތަރު ޓީމަކީ ގްރޫޕް އޭގައި ހިމެނޭ ހަތަރު ޓީމެވެ.

ގްރޫޕް ބީގެ ފުރަތަމަ މެޗުގައި ހުކުރު ދުވަހު ހަވީރު ވާދަކުރާނީ ކްލަބް ވެލެންސިޔާއާއި, ދަ ގްރާންޑޭއެވެ. މިގްރޫޕްގައި ދެން ހިމެނެނީ ކްލަބް އީގަލްސްއާއި ގްރީން ސްޓްރީޓްސްއެވެ. ހުކުރު ދުވަހުގެރޭ މިދެޓީމް ވާދަކުރާނެއެވެ. ގްރޫޕް ސްޓޭޖް މެޗުތައް ޖޫން 9 ވަނަ ދުވަހުގެ ރޭ ނިމޭނެއެވެ. ސެމީފައިނަލް މެޗުތައް ކުޅޭނީ ބޮޑު ބްރޭކަކަށް ފަހުއެވެ.

މުބާރާތުގެ ސެމީފައިނަލަށް ދަތުރުކުރާނީ ކޮންމެ ގްރޫޕެއްގެ އެއްވަނަ އަދި ދެވަނަ ޓީމެވެ. ސެމީފައިނަލް ދެމެޗު ކުޅޭނީ މި ޖޫންމަހުގެ 19 ވަނަ ދުވަހުއެވެ. ފައިނަލް މެޗު ކުޅޭނީ ޖުލައި 3 ވަނަ ދުވަހުގެ ރެއެވެ.