ދެ ރަށެއްގެ ސްކޫލް އިމާރާތް އެޅުމުގެ އެއްބަސްވުމުގައި ސޮއިކޮށްފިއެވެ.

އެގޮތުން ހއ. މާރަންދޫ ސްކޫލުގެ 2 ފަންގިފިލާގެ އިމާރާތް އެޅުމަށް ކޭ އެންޑް އެފް ހޯލްޑިންގްސް ޕްރައިވެޓް ލިމިޓެޑާ އެޑިޔުކޭޝަން މިނިސްޓްރީއާ ދެމެދު ވަނީ އެއްބަސްވުމުގައި ސޮއިކޮށްފައެވެ. މި މަސައްކަތް ހަވާލުކުރީ 7،939،576.01ރ (ހަތް މިލިއަން ނުވަ ލައްކަ ތިރީސް ނުވަ ހާސް ފަސްސަތޭކަ ހަތްދިހަ ހަރުފިޔާ އެއް ލާރި)އަށެވެ. މިމަސައްކަތް ހަވާލުކުރީ 200 ދުވަސް ތެރޭގައި ނިންމާގޮތަށެވެ.

ހއ. މޮޅަދޫ ސްކޫލުގައި 3 ކްލާސްރޫމް އިމާރާތްކުރުމުގެ އެއްބަސްވުމުގައިވެސް ވަނީ ސޮއިކޮށްފައެވެ. މިމަސައްކަތް ހަވާލުކޮށްފައިވަނީ ވެލްޓްރޭޑިންގ ޕްރައިވެޓް ލިމިޓެޑާއެވެ. މި މަސައްކަތް ހަވާލުކުރީ 4،779،049.14ރ (ހަތަރު މިލިއަން ހަތްލައްކަ ހަތްދިހަ ނުވަ ހާސް ސާޅީސް ނުވަ ރުފިޔާ ސާދަ ލާރި)އަށެވެ.

މިމަސައްކަތް ހަވާލުކުރީ 118 ދުވަސް ތެރޭގައި ނިންމާގޮތަށެވެ.