ލެވަންޑޯސްކީގެ އެޖެންޓާއި ބާސެލޯނާއިން ބައްދަލުނުކުރޭ
ލެވަންޑޯސްކީ ހޯދުމަށް ބާސެލޯނާއިން ވަނީ މީގެ ދެތިން މަސްކުރިން މަޝްވަރާތައް ފަށާފައި
ބަޔާނާއި ހާތާ ބާލިން ބައްދަލުކުރި މެޗުގެ ތެރެއިން ތަޖުރިބާކާރު ފޯވާޑް ރޮބަޓް ލެވަންޑޯސްކީ
ބަޔާން މިއުނިކްގެ ތަޖުރިބާކާރު ފޯވާޑް ރޮބާޓް ލެވަންޑޯސްކީގެ އެޖެންޓާއި ބާސެލޯނާއިން ބައްދަލުނުކުރާކަމަށް އެކްލަބުން ބުނެފިއެވެ.
ލެވަންޑޯސްކޯގެ އެޖެންޓް ޕިނީ ޒަހާވީ ވަނީ ބުދަ ދުވަހު ބާސެލޯނާއަށް ދަތުރުކޮށްފައެވެ. މިއާއެކު އަޑުތައް ފެތުރުނީ ލެވަންޑޯސްކީ ހޯދުމަށް އޭނާ އާއި ބާސެލޯނާއާ ދެމެދު ބައްދަލުވުމެއް ކުރިއަށް ގެންދިޔަ ކަމަށެވެ. ނަމަވެސް ބާސެލޯނާއިން ވަނީ މިކަން ދޮގު ކޮށްފައެވެ.
ބަޔާން މިއުނިކާއެކު ލެވަންޑޯސްކީ ހަދާފައިވާ އެއްބަސްވުމުގެ މުއްދަތު ހަމަވާނީ 2023 ވަނަ އަހަރުއެވެ. ނަމަވެސް އޭނާ ވަނީ އިތުރަށް ކްލަބުގައި މަޑުކުރަން ބޭނުން ނުވާކަން އަންގާފައެވެ. ލެވަންޑޯސްކީ ހޯދުމަށް ބާސެލޯނާއިން މަސައްކަތް ކުރަމުން އަންނައިރު، އޭނާވެސް ވަނީ ބާސެލޯނާއަށް ދިއުމުގެ ޝައުގުވެރިކަން ފާޅުކޮށްފައެވެ.
އެހެންކަމުން، މި ޑީލް ކުރިއަށް އޮތް ސަމަރ ޓްރާންސްފާ މާކެޓުގައި ނިންމާނެކަމަށް ގިނަ ބަޔަކު ގަބޫލު ކުރެއެވެ. ނަމަވެސް ބާސެލޯނާގެ މާލީ ހާލަތަށް ބަލާ، މި ސީޒަންގައި ބޮޑު ޚަރަދުތަކެއް އެކްލަބަށް ނުކުރެވޭނެއެވެ.
ލެވަންޑޯސްކީ ހޯދުމަށް ބާސެލޯނާއިން ވަނީ މީގެ ދެތިން މަސްކުރިން މަޝްވަރާތައް ފަށާފައިކަމަށް ރިޕޯޓުތައް ބުނެއެވެ.
