ކުޑަކުއްޖަކު ސްކޫލަށް މަސްތުވާތަކެތި ގެންދިޔަ މައްސަލައެއް ބަލަނީ
ފުލުހުން ބުނީ އެކަން ހިނގާފައިވަނީ ކ. އަތޮޅުގެ ރަށެއްގައި ކަމަށް
މޯލްޑިވްސް ޕޮލިސް ސާވިސްގެ ހެޑް ކުއާޓާރ، ޝަހީދު ހުސެއިން އާދަމް ބިލްޑިންގ
ކުޑަކުއްޖަކު ސްކޫލަށް މަސްތުވާތަކެތި ގެންދިޔަ މައްސަލައެއް ފުލުހުން ބަލަން ފަށައިފިއެވެ.
ފުލުހުން ހޯމަ ދުވަހުގެ ރޭ ބުނީ ކ. އަތޮޅުގެ ރަށެއްގެ ސްކޫލު ކުއްޖަކު ސްކޫލަށް މަސްތުވާތަކެތި ގެންދިޔަ ކަމުގެ މައުލޫމާތު ލިބިފައިވާ ކަމަށެވެ. އެ މައްލޫމާތު ލިބުނީ ހޯމަ ދުވަހުގެ މެންދުރު 11:34 ހާއިރު ކަމަށް ވެސް ފުލުހުން ބުނެއެވެ. ނަމަވެސް އެއީ ކޮން ރަށެއް ކަމާއި ކޮން ސްކޫލެއް ކަމެއް ފުލުހުން ހާމައެއް ނުކުރެއެވެ.
ފުލުހުން ދަނީ އެ މައްސަލަ އިތުރަށް ބަލައި ތަހުގީގު ކުރަމުންނެވެ.
މިކަން ހިނގައިދިޔަ ވަކި ރަށެއް ފުލުހުން ހާމަ ނުކުރި ނަމަވެސް އެކަން ހިނގާފައިވަނީ ކ. މާފުށީގައި ކަމަށް މައުލޫމާތު ލިބެއެވެ. މާފުށީގައި މަސްތުވާތަކެތީގެ މައްސަލަ ފަހަކަށް އައިސް އިތުރުވެފައިވާއިރު ކުޑަކުދިންވެސް ވެސް އެކަމުގެ ތެރޭގައި އުޅޭ ކަމަށް މައުލޫމާތު ލިބެއެވެ.
