ފެނަކަ އިންޓަރ އޮފީސް ފުޓްސަލް ކަޕް: ކައުންސިލާއި ސްކޫލް މެޗު އެއްވަރު
16 މެއި 2022 | ހޯމަ 16:17މެޗު ނިމުނީ 1-1ން އެއްވަރު ވެގެން
މުހައްމަދު ޔާސިރު މޫސާ | 16 މެއި 2022 | ހޯމަ 16:17
މެޗުގެ މޮޅު ކުޅުންތެރިޔާ ފައިސަލްއަށް ޓްރޮފީ ހަވާލުކުރުން
ނ. މާޅެންދޫގައި މިހާރު ކުރިއަށްދާ ފެނަކަ އިންޓަރ އޮފީސް ފުޓްސަލް ކަޕްގައި ޓީމް ކައުންސިލް އާއި ސްކޫލް ޓީމް ބައްދަލުކުރި މެޗު އެއްވަރުވެއްޖެއެވެ.
ހޯމަ ދުވަހު ކުޅުނު މި މެޗު ނިމުނީ ކޮންމެ ޓީމަކުންވެސް ލަނޑެއް ޖަހާ އެއްވަރު ވެގެންނެވެ. މި މެޗުގައި ކައުންސިލް ޓީމުގެ ލަނޑު ޖަހައިދިނީ މުހައްމަދު މުމްތާޒްއެވެ. ސްކޫލް ޓީމުގެ ލަނޑު ކާމިޔާބު ކޮށްދިނީ މެޗުގެ މޮޅު ކުޅުންތެރިޔާ މުހައްމަދު ފައިސަލްއެވެ.
މުބާރާތުގައި ސްކޫލް ޓީމު ކުޅުނު މި މެޗު އެއްވަރުވެފައި ވާއިރު، މީގެ ކުރިން ކުޅުނު އެއް މެޗުން މޮޅުވެ، އަނެއް މެޗުން ވަނީ ބަލިވެފައެވެ. ކައުންސިލް ޓީމު ކުޅުނު ދެމެޗު އެއްވަރުވެފައި ވާއިރު، އަނެއް މެޗުން ބަލިވީއެވެ.
