ހޮޅުދޫގައި ކުރިއަށްދާ ބާފާ ސޮކަރ ކަޕްގައި 1-0ން މަގޫދޫ ފުޓްބޯޅަ ޓީމް ބަލިކޮށް, ދަ ސިޓީން ޕްލޭއޮފް ޔަގީންކޮށްފިއެވެ.

ލީގު ބުރުގައި ދަ ސިޓީގެ ފަހު މެޗު މަގޫދޫ ފުޓްބޯޅަ ޓީމާ ވާދަކޮށް ކާމިޔާބުކުރީ 1-0ންނެވެ. މެޗުގެ ހަމައެކަނި ލަނޑު ޖެހީ މޫސާ އިބްރާހީމެވެ. މެޗުގެ މޮޅު ކުޅުންތެރިއަކީ ދަ ސިޓީގެ އަހުމަދު ތޯއިފްއެވެ. މިމޮޅާއެކު ހަތަރު މެޗުން 10 ޕޮއިންޓާއެކު ދަސިޓީ އޮތީ އެއްވަނާގައެވެ. ނަމަވެސް އެއްވަަނަ ހޯދައިގެން ފައިނަލްގެ ސީދާ ޖާގަ ލިބޭކަން ޔަގީންވާނީ އަންގާރަ ދުވަހު އެފްސީ ބޭސްސިޓީން މައި ޗޮއިސް އިޒް ފުޓްބޯލްއާ ވާދަކުރާ މެޗު ނިމުމުންނެވެ. އެމެޗުން އެފްސީ ބޭސްސިޓީ މޮޅުވެއްޖެނަމަ ފައިނަލްގެ ސީދާ ޖާގަ ލިބޭނީ އެޓީމަށެވެ. އެނޫން ނަތީޖާއެއް ނުކުމެއްޖެނަމަ ފައިނަލްގެ ސީދާ ޖާގަ ދަ ސިޓީއަށް ލިބޭނެއެވެ. އެމެޗުގެ ނަތީޖާ ކޮންމެ ގޮތަކަށް ނުކުތަސް ފައިނަލަށް ދިއުމުގެ ފުރުސަތު ދަ ސިޓީއަށް އޮންނާނެއެވެ.

މަގޫދޫ ފުޓްބޯޅަ ޓީމް މިހާރު ވަނީ މުބާރާތުން ކަޓާފައެވެ.