އެމްޓީސީސީ ނޯތް ލީގު: ކެނދިކުޅުދޫއާއި އެކު ހޮޅުދޫ ފުރަތަމަ ޑިވިޝަނަށް
20 އޯގަސްޓު 2022 | ހޮނިހިރު 15:13ފަހު މެޗަށް ނިކުތް އިރުވެސް ކެނދިކުޅުދޫ އޮތީ ޖާގަ ޔަޤީންކޮށްފަ
ފަހު މެޗަށް ނިކުއިން ހޮޅުދޫ އެފްސީ ޓީމް
އެމްޓީސީސީ ނޯތު ލީގުގެ ދެވަނަ ޑިވިޝަން ގްރޫޕް ސީ އިން ކެނދިކުޅުދޫއާއި އެކު ހޮޅުދޫ އެއްވަނަ ޑިވިޝަންގެ ޖާގަ ހޯދައިފިއެވެ.
ނ.އަތޮޅުގެ ޓީމްތައް ވާދަކުރި ގްރޫޕް ސީ އިން އެއްވަނަ ޓީމްގެ ގޮތުގައި ކެނދިކުޅުދޫ ވަނީ ނޯތު ލީގުގެ އެއްވަނަ ޑިވިޝަނުން ޖާގަ ހޯދާފައެވެ. ދެވަނަ ޓީމްގެ ގޮތުގައި ހޮޅުދޫ ފުރުޞަތު ހޯދީ ފަހު މެޗުގައި މިއަދު މާލެންދޫއާއި ވާދަކޮށް އެއްވަރުކޮށްގެންނެވެ. މެޗަށް ނިކުތް އިރު މާޅެންދޫއަށް ފުރުޞަތު އޮތީ މޮޅުވެގެންނެވެ. އެކަމަކު ލަނޑެއްނުޖެހި މެޗު އެއްވަރުވުމުން ފުރުޞަތު ލިބުނީ ހޮޅުދޫއަށެވެ. މިނަތީޖާއާއި އެކު ހޮޅުދޫ ދެވަނަ ހޯދީ ނުވަ ޕޮއިންޓް އާއި އެކުއެވެ. ފަހު މެޗަށް ނިކުތް އިރުވެސް ކެނދިކުޅުދޫ އޮތީ 10 ޕޮއިންޓް ހޯދާފައެވެ.
އެމްޓީސީސީ ނޯތު ލީގުގައި ކުރިއަށް އޮތީ ރ.އަތޮޅު މެޗުތަކެވެ. ރ.އަތޮޅު މުބާރާތް ފަށާނީ މިމަހުގެ 24 ވަނަ ދުވަހު އަލިފުށީގައެވެ.
