ދަ ސިޓީއާއި، އެފްސީ ބޭސް ސިޓީ އެއްވަރު

ހޮޅޫދޫ ބާފާ ޖަމްއިއްޔާއިން އެރަށުގައި ކުރިއަށްގެންދާ ބާފާ ސޮކަރ ކަޕްގައި އެފްސީ ބޭސް ސިޓީއާއި, ދަ ސިޓީ ވާދަކުރި މެޗު އެއްވަރުވެއްޖެއެވެ.

ދެޓީމް ވާދަކުރި މެޗު އެއްވަރުވީ 2-2 ނެވެ. މެޗުގައި ފުރަތަމަ ލަނޑު ޖަހާ ކުރިހޯދީ ދަ ސިޓީންނެވެ. އެޓީމަށް ކުރި ހޯދައިދިނީ ގުރެއިޝް އަބުދުއްރައްޒާޤެވެ. އެކަމަކު ހާފް ނިމުމުގެ ކުރިން އިތުރު ވަގުތުގައި ލަނޑު ޖަހައިގެން އިސްމާއީލް މަހުފޫޒު އެފްސީ ބޭސް ސިޓީއަށް ނަތީޖާ ހަމަހަމަކޮށްދިނެވެ. ދަސިޓީން ދެވަނަ ފަހަރަށް ކުރިހޯދީ ހުސެއިން ޝައްފާހުގެ ލަނޑުނެވެ. އެފްސީ ބޭސް ސިޓީއަށް ދެވަނަ ފަހަރަށް އެއްވަރުކޮށްދިނީ އިބްރާހީމް އަފްލާހުއެވެ.

މިނަތީޖާއާއެކު ތިން މެޗުން 7 ޕޮއިންޓް ހޯދައިގެން އެއްވަނާގައި އޮތީ އެފްސީ ބޭސް ސިޓީއެވެ. ދަ ސިޓީ ދެވަނާގައި އޮތީ 5 ޕޮއިންޓާއެކުއެވެ. ތިންވަނާގައި އޮތީ ހުކުރު ދުވަހު މެޗުން މޮޅުވި މައި ޗޮއިސް އިސް ފުޓްބޯލްއެވެ. އެޓީމުން ވަނީ މަގޫދޫ ފުޓްބޯޅަ ޓީމާ ވާދަކޮށް 4-2 ން މެޗު ކާމިޔާބުކޮށްފައެވެ. މެޗުގައި މައި ޗޮއިސް އިޒް ފުޓްބޯލްގެ ހަތަރު ގޯލްވެސް ޖެހީ މެޗުގެ މޮޅު ކުޅުންތެރިޔާ އިޝާން އިބްރާހީމް (ސައްޓު) އެވެ. މަގޫދޫ ޓީމްގެ ދެ ލަނޑު ޖެހީ މުޙައްމަދު އިހުސާންއާއި, މުޙައްމަދު އިރުޝާދުއެވެ. ދެ މެޗުންވެސް ބަލިވެ މަގޫދޫ އޮތީ ތާވަލްގެ ފުލުގައެވެ.