އެލިމިނޭޓް ވުމުން އައްޒަ: "އެންމެ ހީނުކުރާ މީހާ ދެކޮޅަށް ވޯޓުދިނުމުން ސަޕްރައިޒްވި"
އައްޒަވެސް ވޯޓު ދީފައިވަނީ އިފްނާޒް އެލިިމިނޭޓްކުރުމަށް
ރާއްޖެޓީވީން ގެނެސްދޭ ރިއަލިޓީ ޝޯވ "ޕެޓްރޯލް އޮފިސީ ސެލެބްރިޓީ ރޭސް"ގެ ދެވަނަ ސީޒަންގެ 5 ވަނަ އެޕިސޯޑް
ރާއްޖެޓީވީން ގެނެސްދޭ ރިއަލިޓީ ޝޯވ "ޕެޓްރޯލް އޮފިސީ ސެލެބްރިޓީ ރޭސް"ގެ ދެވަނަ ސީޒަންގެ 5 ވަނަ އެޕިސޯޑް ދައްކާފައިވާއިރު، މި އެޕިސޯޑުން މަރިޔަމް އައްޒަ (އައްޒަ) އެލިމިނޭޓްވެއްޖެއެވެ.
އައްޒަ އެލިމިނޭޓްކުރުމަށް ވޯޓުދިން ބައިވެރިންގެ ތެރޭގައި ހިމެނެނީ: ނޫރު، އިފްނާޒް، ފުބޫ އަދި ދޮނާއެވެ.
ދެން ތިބި ދެ ބައިވެރިންކަމަށްވާ ފަރީލާއާއި ރޯމަން ވޯޓު ދީފައިވަނީ އިފްނާޒް އެލިމިނޭޓްކުރުމަށެވެ
އޭގެ އިތުރުން، އައްޒަވެސް ވޯޓު ދީފައިވަނީ އިފްނާޒް އެލިިމިނޭޓްކުރުމަށެވެ.
އެލިމިނޭޝަންއަށް ފަހު ޝޯވގައި ވާހަކަ ދައްކަމުން އައްޒަ ބުނެފައިވަނީ، އޭނާއަކީ އެލިމިނޭޝަން ޓާގެޓެއްކަން މާކުރިންވެސް އެނގޭ ކަމަށެވެ. ނަމަވެސް އެއީ އޭނާއަށް ޕަރފޯމް ނުކުރެވުމުގެ ސަބަބުން ނުވަތަ ޝޯވގެ ޓާސްކުތަކުގައި އެކަށީގެންވާ މަސައްކަތް ކުރެވިފައި ނުވާތީއެއް ނޫންކަމަށް އައްޒަ ބުނެއެވެ.
އައްޒަ ބުނާގޮތުގައި ޝޯވގެ ޕަބްލިކް
ވޯޓިންގއާ ހަމައަށް ދާންވާއިރަށް އޭނާ ޝޯވއިން ބޭރުކޮށްލުމަކީ ބައިވެރިންގެ ޓާގެޓެކެވެ. އައްޒަ ބުނާ ގޮތުގައި އެންމެ ހީނުކުރާ ބައިވެރިއެއް އޭނާއާ ދެކޮޅަށް ވޯޓު ދީފައިވުމުން ކޮންމެސްވަރެއްގެ ހައިރާންކަމެއް ލިބުނެވެ.
މި އެޕިސޯޑުގައި ބައިވެރިންނަށް ތިން ޓާސްކެއް ފުރިހަމަކުރަން ޖެހިފައިވެއެވެ. އެއީ ލާމު ގަމު ޕަރީ ފެންގަނޑުގައި ކުރިއަށްދިޔަ "ކާށިހޮވުން ޗެލެންޖް"، ބަރެސްދޫގައި ކުރިއަށްދިޔަ "ލަނޑުދަނޑި ޗެލެންޖް", އަދި ޓްރެޝަރ ހަންޓް ޗެލެންޖެކެވެ. އޭގެ ތެރެއިން "ކާށި ހޮވުން ޗެލެންޖު"ން މޮޅުވެ، ޝޯވގެ އިމިއުނިޓީ ހޯދާފައިވަނީ ދޮނާއެވެ.
ޓާސްކް ހެދުމުގެ ތެރޭގައި ދޮނާއަށް އަނިޔާވެ، ފަރުވާ ދޭންވެސް ޖެހުނެވެ.
އޭގެ އިތުރުން، އިނާމު ޓާސްކެއްކަމަށްވާ "ލަނޑުދަނޑި ޗެލެންޖު"ން މޮޅުވެ އިނާމުހޯދާފައިވަނީ އިފްނާޒެވެ.
އައްޒަ އެލިމިނޭޓްވުމާއެކު، ޝޯވްގައި ބާކީ ތިބި ބައިވެރިންނަކީ: ފަރީލާ، ދޮނާ، އިފްނާޒް، ފުބޫ، ރޯމަން އަދި ނޫރެވެ.
