އެފްސީ ބޭސްސިޓީ ދެވަނަ މެޗުންވެސް މޮޅު
ތާވަލްގެ އެއްވަނާގައި ބޭސް ސިޓީ
އެފްސީ ބޭސްސިޓީއާއި ޑީޓޫ ސްޕޯރޓްސް ވާދަކުރި މެޗުގެ ތެރެއިން: ފޮޓޯ-ބާފާ
ނ. ހޮޅުދޫ ބާފާ ޖަމްއިއްޔާއިން ކުރިއަށްގެންދާ ބާފާ ސޮކަރ ކަޕްގައި އެފްސީ ބޭސްސިޓީ ކުޅުނު ދެވަނަ މެޗުވެސް ކާމިޔާބުކޮށްފިއެވެ. އެޓީމް ދެވަނަ މެޗު ކާމިޔާބުކުރީ ހެނބަދޫ ޑީޓޫ ސްޕޯރޓްސް ކްލަބާ ވާދަކޮށް 1-0ންނެވެ.
މެޗުގެ ހަމައެކަނި ލަނޑު 81 ވަނަ މިނިޓްގައި ކާމިޔާބުކުރީ އިސްމާއީލް މަހުފޫޒްއެވެ. މެޗުގެ މޮޅު ކުޅުންތެރިއަކީ އެފްސީ ބޭސްސިޓީގެ ހުސެއިން ފައިސަލެވެ. މިމޮޅާއެކު ދެ މެޗުން ހަ ޕޮއިންޓް ހޯދައިގެން އެފްސީ ބޭސްސިޓީ އޮތީ ތާވަލްގެ އެއްވަނާގައެވެ. ފައިނަލްގެ ފުރަތަމަ ޖާގަ ލިބެނީ ލީގުބުރު ނިމޭއިރު އެއްވަނަ ހޯދާ ޓީމަކަށެެވެ. ޑީޓޫ ސްޕޯރޓްސް އޮތީ ދެމެޗުން, އެއް ޕޮއިންޓާއެކު ތިންވަނާގައެވެ.
މުބާރާތުގެ ފަސްވަނަ މެޗުގައި ހުކުރު ދުވަހު ހަވީރު ވާދަކުރާނީ މައި ޗޮއިސް އިޒް ފުޓްބޯލްއާއި މަގޫދޫ ފުޓްބޯޅަ ޓީމެވެ. މިއީ ބާފާ ޖަމްއިއްޔާއިން މިމުބާރާތް ބާއްވާ 13 ވަނަ ފަހަރެވެ,
