ޗައިނާއިން އިތުރު 6،074 މީހުން ކޮވިޑަށް ޕޮޒިޓިވްވެއްޖެ
ޕޮޒިޓިވްވި 6،074 މީހުންގެ ތެރެއިން 384 މީހުންގެ ކިބައިން އަލާމަތްތައް ފެނޭ
ޗައިނާގެ ވޫހާން ސިޓީގެ ޓްރެއިން ސްޓޭޝަނެއް ޑިސްއިންފެކްޓް ކުރަނީ
ޗައިނާގައި ކޮވިޑް19 ގެ ހާލަތު އަނެއްކާވެސް ގޯސްވެފައިވާއިރު ހޯމަ ދުވަހު އިތުރު 6،074 މީހުން މިބައްޔަށް ޕޮޒިޓިވްވެފައިވާ ކަމަށް ރިޕޯޓްކޮށްފިއެވެ.
މިއީ އާދީއްތަ ދުވަހާ އަޅާ ބަލާއިރު ދަށް އަދަދެކެވެ. ނަމަވެސް އެ ގައުމުގައި އެވްރެޖުކޮށް ދުވަހުން ދުވަހަށް ފެންނަ އައު ކޭސްތަކުގެ އަދަދު ދަނީ އިތުރުވަމުންނެވެ.
އަންގާރަ ދުވަހު އެ ގައުމުގެ ނެޝަނަލް ހެލްތު ކޮމިޝަނުން ބުނީ ހޯމަ ދުވަހު ޕޮޒިޓިވްވި 6،074 މީހުންގެ ތެރެއިން 384 މީހުންގެ ކިބައިން އަލާމަތްތައް ފެންނަ ކަމަށެވެ. އަދި އަލާމާތްތައް ނުފެންނަ 6،957 ކޭސް ވަނީ ފެނިފައެވެ.
ޝަންހާއިގެ ފައިނޭންޝަލް ހަބް ސަރަހައްދުގައި މި ބަލި ޖެހިގެން ހޯމަ ދުވަހު 20 މީހަކު ވަނީ މަރުވެފައެވެ. އެއާއެކު މި ފަހުން ބަލީގައި މަރުވި މީހުންގެ އަދަދު ވަނީ 5112 އަށް އަރާފައެވެ.
ޗައިނާގެ މެއިން ލޭންޑުގައި މެއި މަހުގެ 2 ވަނަ ދުވަހުގެ ނިޔަލަށް 217،836 މީހުން ވަނީ ކޮވިޑަށް ޕޮޒިޓިވްވެފައެވެ.
