ރާއްޖޭގެ ކްރިކެޓަށް އިންޑިޔާއިން ބޮޑު އެހީއެއް!

ރާއްޖޭގެ ކްރިކެޓް ކުރިއަރުވަން އެހީވެދިނުމުގެ ގޮތުން އިންޑިޔާއިން ރާއްޖެއަށް ކްރިކެޓް ކުޅޭ ސާމާނުތަކެއް ހަދިޔާކޮށްފިއެވެ.

މަތީ ފަންތީގެ ކްރިކެޓް ކުޅޭ ސާމާނު ރާއްޖެއަށް ހަދިޔާކުރުމަށް ހޮނިހިރު ދުވަހު ބޭއްވި ޚާއްޞަ ރަސްމިއްޔާތުގައި ރާއްޖޭގެ ރައީސުލްޖުމްހޫރިއްޔާގެ ނައިބު ފައިސަލް ނަސީމްއާއި, އިންޑިޔާގެ އިންޑިޔާއިން ރާއްޖެއަށް ކަނޑައަޅުއްވާފައި ހުންނަވާ ހައިކޮމިޝަނަރ މުނޫ މަހާވަރު ބައިވެރިވެ ވަޑައިގެންނެވިއެވެ. ރާއްޖޭގެ ޔޫތް މިނިސްޓަރުގެ އިތުން އިންޑިޔާގެ ކުޅިވަރާބެހޭ ވަޒީރު އަނޔރާގު ތާކުރު ބައިވެރިވެވަޑައިގެންނެވިއެވެ. އިންޑިޔާގެ ކުޅިވަރާބެހޭ ވަޒީރު ބައިވެރިވެވަޑައިގެންނެވީ ވީޑިއޯ ކޯލެއް މެދުވެރިކުރައްވައެވެ.

ކްރިކެޓް ބޯޑުން ބުނީ އިންޑިޔާއިން ހަދިޔާ ކުރި ސާމާނު ރާއްޖޭގެ ކްރިކެޓް ތަރައްޤީ ކުރުމަށް ކުރާ މަސައްކަތަށް ރާއްޖޭގެ އެކި ހިސާބުތަކަށް ފޯރުކޮށްދޭނެކަމަށެވެ. އަދި އިންޑިޔާއިން އަބަދުވެސް ރާއްޖޭގެ ކްރިކެޓް ކުރިއަރުވަން ވެދޭ އެހީތެރިކަމަށް ޝުކުރު އަދާކުރައްވާކަމަށެވެ.

ސާމާނު ހަދިޔާކުރުމުގެ ރަސްމިއްޔާތަށްފަހު އިންޑިޔާއާއި ރާއްޖޭގެ އިސްފަރާތްތަކުގެ މެދުގައި ޚާއްޞަ ކްރިކެޓް މެޗެއްވެސް ކުޅުނެވެ. އިންޑިޔާއިން މީގެކުރިންވެސް ވަނީ ރާއްޖޭގެ ކްރިކެޓަށް އެހީތެރިވެދީފައެވެ. އިންޑިޔާ މޯލްޑިވްސް ފްރެންޑްޝިޕް ކްރިކެޓް ސީރީޒްއަކީ މީގެ ބައެކެވެ. ކްރެޑިޓްލައިންގެ ދަށުން އިންޑިޔާއިން ރާއްޖޭގައި ކްރިކެޓް ސްޓޭޑިއަމްއެއް އަޅައިދޭން ވަނީ އެއްބަސްވެފައެވެ.