ފިޠުރު ޒަކާތް ބަލައިގަންނަ ގަޑިތަކަށް އަދި ފިތުރު ޒަކާތް ބަހާ ގަޑިތަކަށް ބަދަލު ގެނެސްފިއެވެ.

އިސްލާމިކް މިނިސްޓްރީން ބުނީ ގޮވާމުން ފިޠުރު ޒަކާތް ބަލައިގަންނާނީ 30 އޭޕްރިލް 2022 (ހޮނިހިރު) ދުވަހުގެ ހެނދުނު 10:00ން ހަވީރު 5:15ށް ކަމަށެވެ. އަދި މެއި 1 ވަނަ ދުވަހު ފިޠުރު ޢީދު ދުވަހަށް ނުވެއްޖެނަމަ ހެނދުނު 10:00ން މެންދުރު 12:00ށް ފިތުރު ޒަކާތް ދެއްކޭނެ ކަމަށެވެ.

މީގެ އިތުރުން ގޮވާމުން ފިޠުރު ޒަކާތް ބަހާނީ 30 އޭޕްރިލް 2022 (ހޮނިހިރު) ދުވަހުގެ ރޭގަނޑު 9:00ން ފެށިގެން 10:30ށް ކަމަށެވެ. އަދި 1 މެއި 2022 ވަނަ ދުވަސް ފިޠުރު ޢީދު ދުވަހަށް ނުވެއްޖެނަމަ ހެނދުނު 10:00ން މެންދުރު 12:00ށް ގޮވާމުން ޒަކާތް ބަހާނެ ކަމަށެވެ.

އަދި އޮންލައިންކޮށް ނުދެއްކޭ ފަރާތްތަކަށް މިނިސްޓްރީގެ ކައުންޓަރުން ފިޠުރުޒަކާތް ބަލައިގަތުން ހަމަޖެހިފައިވަނީ 30 އޭޕްރިލް 2022 (ހޮނިހިރު) ދުވަހުގެ ހެނދުނު 10:00ން ފެށިގެން ހަވީރު 05:15 އަށެވެ. އެހެން ގަޑިއަކު ކައުންޓަރުން ފިތުރު ބަލައި ނުގަންނާނެއެވެ. އަދި 01 މެއި ފިޠުރު ޢީދު ދުވަހަށް ނުވެއްޖެނަމަ ހެނދުނު 10:00ން މެންދުރު 12:00ށް ކައުންޓަރުތަކުން ފިތުރު ޒަކާތް ބަލައިގަންނާނެއެވެ.

ބަނޑޭރި ޕޯޓަލް އިން އޮންލައިންކޮށް ފިތުރު ޒަކާތް ބަލައިގަންނަމުން ދާނީ ރަމަޟާންމަހުގެ އެންމެ ފަހު ދުވަހުގެ އިރުއޮއްސި 6 ޖަހަންދެންނެވެ.