އަލިފުށީގައި ކުރިއަށްދާ ރެޓްރޯ ކޮފީ ފުޓްސަލް މުބާރާތުގައި ފޯރި އެފްސީ ކުޅުނު ފުރަތަމަ މެޗު ކާމިޔާބުކޮށްފިއެވެ. ތިން ޓީމް ހިމެނޭ ގްރޫޕްގައި ފޯރި އެފްސީ ފުރަތަމަ މެޗު ކާމިޔާބުކުރީ އޭޖީ އެފްސީއާ ވާދަކޮށް 3-2 ނެވެ. މެޗުގައި ފޯރި އެފްސީގެ ތިން ލަނޑު ޖެހީ މުހައްމަދު މުއީން, ރައުޝަމް އަދި އަނޫފް އާދަމްއެވެ. އޭއީޖީ އެފްސީގެ ދެ ލަނޑު ޖެހީ އަބުދުއްސަމީއުއާއި, ބައްސާމްއެވެ. މެޗުގެ މޮޅު ކުޅުންތެރިއަކީ ފޯރި އެފްސީގެ މުއީންއެވެ. ތިން ޓީމް ހިމެނޭ ގްރޫޕްގައި އޭޖީ އެފްސީ ވަނީ ފުރަތަމަ މެޗު ކާމިޔާބުކޮށްފައެވެ. ސެމީގެ ޖާގައެއް ލިބޭ ޓީމެއް ޔަޤީންވާނީ ހުކުރު ދުވަހުގެރޭ ފޯރި އެފްސީއާއި, ބްލެކް ހޯކްސް ވާދަކުރާ މެޗުގެ ނަތީޖާއިންނެވެ.

މުބާރާތުގެ ގްރޫޕް އޭގައި ނިއޯން ސްޕޯރޓްސް ކްލަބް ވަނީ ފުރަތަމަ މޮޅު ހޯދާފައެވެ. ފުރަތަމަ ދެ މެޗުން ބަލިވެފައިވާ ނިއޯން މޮޅެއް ހޯދީ ކުޑަވާ އިނގިއްޔާ ވާދަކޮށް 2-1 ން މެޗު ކާމިޔާބުކޮށްގެންނެވެ. މެޗުގައި ނިއޯންގެ ދެ ލަނޑުވެސް ޖެހީ ނުހާމްއެވެ. މެޗުގެ މޮޅު ކުޅުންތެރިއަކީވެސް އޭނާއެވެ. ކުޑަވާ އިނގިލި ޓީމްގެ ހަމައެކަނި ލަނޑު ޖެހީ ފަލާހުއެވެ. އެޓީމް ކުޅުނު ތިން މެޗުންވެސް ބަލިވެ, މުބާރާތުން ވަނީ ކަޓާފައެވެ.

ގްރޫޕް ބީގައި ބުރާސްފަތި ދުވަހުގެރޭ ކުޅުނު މެޗު ނިމުނީ އެއްވަރުވެގެންނެވެ. އެފްސީ ލޮބްސްޓާއާއި ޔުނައިޓެޑް އޭޖީ އެފްސީ ވާދަކުރި މެޗު އެއްވަރުވީ 1-1 ނެވެ. ލޮބްސްޓާގެ ލަނޑު ޖަހައިދިނީ މުޙައްމަދު ނަސީމްއެވެ. ޔުނައިޓެޑް އޭޖީގެ ލަނޑު ޖަހައިދިނީ އަލީ އަބުދުاللهއެވެ. މެޗުގެ މޮޅު ކުޅުންތެރިއަކީ ލޮބްސްޓާގެ ހަސަން ޝާންއެވެ. ލޮބްސްޓާ ގްރޫޕް ސްޓޭޖް ނިންމާލީ ދެ މެޗުން 4 ޕޮއިންޓާއެކުއެވެ. މި ގްރޫޕްގެ ސެމީގެ ޖާގަ ލިބޭ ޓީމެއް ޔަޤީންވާނީ ޔުނައިޓެޑް އޭޖީއާއި އެފްސީ ވަނދުކަރާ ހުކުރު ދުވަހުގެރޭ ވާދަކުރާ މެޗުގެ ނަތީޖާއިންނެވެ.