ގުޑީސް ސްޕޯޓްސް ކްލަބް 2 ފުރަތަމަ ފަަހަރަށް ބަލިވެއްޖެ

މިހާރު ކުރިއަށްދާ ޕާކް ވޮލީބޯޅަ މުބާރާތުގައި ވާދަކުރާ ގުޑީސް ސްޕޯޓްސް ކްލަބް2, ފުރަތަމަ ފަހަރަށް މެޗަކުން ބަލިވެއްޖެއެވެ.

ގުޑީސް ބަލިވީ މުބާރާތުގެ ދެވަނަ ބުރުގައި ޑީވީވީއޭ ބުލްސްއާ ވާދަކޮށް، ދެ ސެޓު އެއް ސެޓުންނެވެ. ސެޓުތައް ދިޔައީ 5-21، 21-15 އަދި 11-15 އިންނެވެ. މުބާރާތުގެ ފުރަތަމަ ބުރު އެޓީމު ނިންމާލީ ހުރިހާ މެޗެއްވެސް ކާމިޔާބު ކޮށްގެންނެވެ.

މުބާރާތުގައި މިހާތަނަށް ކުޅުނު ހުރިހާ މެޗެއް ކާމިޔާބުކޮށްފައިވާ ފިރިހެން ޑިިވިޝަނުގެ ޓީމުތަކަކީ މޯލްޑިވްސް ވޮލީބޯލް ވެޓެރަންސް، ޑީވީވީއޭ ޝޫޓާސް އަދި ޑީވީވީއޭ ސްކައިސްއެވެ. ވޮލީބޯލް ވެޓެރަންސްއިން ގުޑީސް ސްޕޯޓްސް ކްލަބް ބަލިކުރީ އެޓީމަށް އެއްވެސް ޕޮއިންޓެއް ނުދީއެވެ. ކުޑަހެންވޭރު ޔުނައިޓެޑްގެ މައްޗަށް ޑީވީވީއޭ ޝޫޓާސް ކުރިހޯދީ ސީދާ ދެސެޓުންނެވެ. ޑީވީވީއޭ ސްކައިސް ވަނީ ތިން ސެޓަށް ގޮސްގެން ޕޮލިސް ކްލަބް އޭ ބަލިކޮށްފައެވެ.

އަންހެން ޑިވިޝަނުގައި މޯލްޑިވްސް ވޮލީބޯލް ވެޓެރަންސް ޓީމުން ވަނީ ސީދާ ދެސެޓުން ޕޮލިސް ކްލަބް ބީ ބަލިކޮށްފައެވެ. ކްލަބް ވޮލީބޯލްގެ މައްޗަށް ވޮލީބޯލް ޔޫތު ނިއު ޖެނަރޭޝަން ކުރިހޯދީވެސް ސީދާ ދެސެޓުންނެވެ. އެސްޕިރޭޝަން ފޯ އޯލް އިނީޝިއޭޓިވް ސްޕޯޓްސް ކްލަބުން ވަނީ ސީދާ ދެސެޓުން ޖީޖީ ސްޕޯޓްސް ކްލަބް ޕާކް ވިމެންސް ބަލިކޮށްފައެވެ. ޑީވީވީއޭ ކުއީންސް ބަލިކޮށް ޕޮލިސް ކްލަބް އޭ ވަނީ ދެވަނަ ބުރުގެ ފެށުންވެސް ރަނގަޅު ކޮށްފައެވެ.