ޕްރިންސް ހެރީއާއި އަނބިކަނބަލުން މޭގަން މަރކްލް، ކްއީން އެލިޒަބަތުއާއި ބައްދަލުކުރައްވައިފި
ޕްރިންސް ހެރީގެ ދެކަނބަލުން ވަނީ ވިންޑްސަރ ކާސަލްއަށްވެސް ޒިޔާރަތްކުރައްވާފައި
ޕްރިންސް ހެރީ އަދި އަނބިކަނބަލުން މޭގަން މަރކްލް
ޕްރިންސް ހެރީއާއި އަނބިކަނބަލުން މޭގަން މަރކްލް، އިގިރޭސިރާނީ ކްއީން އެލިޒަބަތުއާއި ބައްދަލުކުރައްވައިފިއެވެ. ރާނީ އެލިޒަބަތު އަކީ ޕްރިންސް ހެރީގެ މާމާ ފުޅެވެ.
ޕްރިންސް ހެރީގެ ތަރުޖަމާންއާއި ހަވާލާދީ 'ދަ ސަން ނިއުސްޕޭޕަރ'ގައި ރިޕޯޓްކޮށްފައިވާގޮތުން މި ބައްދަލުކުރެއްވުން އޮތީ ބުރާސްފަތި ދުވަހުއެވެ. މިއީ ޕްރިންސް ހެރީ އަދި މޭގަން މަރކްލް، ދަ ހޭގްގައި އޮންނަ "ދަ އިންވިކްޓަސް ގޭމްސް" އަށް ވަޑައިގެންނެވުމުގެ ކުރިން ކްއީން އެލިޒަބަތުގެ އަރިހަށް ކުރެއްވި އިހްތިރާމްގެ ޒިޔާރަތެކެވެ.
ބަކިންގހަމް ޕެލަސްއިން މިކަމާ ގުޅޭ ގޮތުން އެއްވެސް އެއްޗެއް އަދި ބުނެފައެއް ނުވެއެވެ.
މިއީ 2020ވަނައަހަރުގެ މާޗް މަހު ޕްރިންސް ހެރީ ޝާހީ ޒިންމާތަކުން އެކަހެރިވެ ވަޑައިގެންނެވި ފަހުން ދެކަނބަލުން އެކުގައި އިނގިރޭސިވިލާތަށް ކުރެއްވި ފުރަތަމަ ދަތުރުފުޅެވެ. ރިޕޯޓުތައް ބުނާ ގޮތުން މި ދަތުރުފުލުގައި ޕްރިންސް ހެރީގެ ދެކަނބަލުން ވަނީ ވިންޑްސަރ ކާސަލްއަށްވެސް ޒިޔާރަތްކުރައްވާފައެވެ.
ޕްރިންސް ހެރީއާއި އަނބިކަނބަލުން މޭގަން މަރކްލް މިވަގުތު ދިރި އުޅުއްވަނީ އެމެރިކާ ގެ ކެލިފޯނިޔާ ގައެވެ.
