ތިލަފުށި ފަޅު ހިއްކާ، ގޮނޑުދޮށް ހިމާޔަތް ކުރުމުގެ މަޝްރޫއަށް ޝައުގުވެރިވާ ފަރާތެއް ހޯދުމަށް އިއުލާންކޮށްފިއެވެ.
މިއީ ހައުސިން ޑިވެލޮޕްމަންޓް ކޯޕަރޭޝަން، އެޗްޑީސީ އިން ކުރިޔަށްގެންދަން ހަމަޖެހިފައިވާ މަޝްރޫއެކެވެ. މިމަޝްރޫއަށް ޝައުގުވެރިވާ ފަރާތްތަކުން މި މަހުގެ 9ވަނަ ދުވަހުގެ 3:30 ގެ ކުރިން އެ ކޯޕަރޭޝަނަށް ކަމާއި ބެހޭ ލިޔެކިޔުންތައް ހުށައެޅުމަށް ވަނީ އެދިފައެވެ.
މި މަޝްރޫއުގެ ދަށުން ތިލަފުށީ ފަޅުން 160 ހެކްޓަރުގެ ސަރަހައްދެއް ހިއްކުމަށް ވަނީ ހަމަޖެހިފައެވެ. އަލަށް ހިއްކާ ސަރަހައްދުތައް އެޗްޑީސީން ތަރައްގީކުރަނީ ޖުމްލަ 6 ސަރަހައްދަކަށް ބަހާލައިގެންނެއެވެ. އޭގެތެރޭގައި އިންޑަސްޓްރިއަލް މަސައްކަތްކުރުމަށް ޚާއްސަ ސަރަހައްދެއް ވަނީ ކަނޑައަޅާފައެވެ. އަދި ސިނާއީ މަސައްކަތާއި، ކުދި ވިޔަފާރިތަކަށްވެސް ޚާއްސަ ސަރަހައްދެއް ވަނީ ކަނޑައަޅާފައެވެ.
