މިސީޒަންގައި ނަތީޖާތަށް ދަށްވެ, ރެލިގޭޝަނަށް ނުގޮސް ސަލާމަތްވާން މަސައްކަތްކުރަމުން އަންނަ އެވަޓަން, ރެލިގޭޝަން ޒޯންގައި އޮތް ބާންލީ އަތްދަށު ވެއްޖެއެވެ.

މެޗުން ބާންލީ މޮޅުވީ 85 ވަނަ މިނިޓްގައި މެކްސްވެލް ކޯނޭ ޖެހި ލަނޑުންނެވެ. އޭނާ ލަނޑު ޖެހީ 2-2 ން ދެޓީމް އެއްވަރުވާން ދަނިކޮށެވެ. 3-2 ން ބާންލީ މޮޅުވި މެޗުގެ ފުރަތަމަ ލަނޑު ޖަހާ ބާންލީއަށް ކުރި ހޯދައިދިނީ ނަތަން ކޮލިންސްއެވެ. އެކަމަކު ފުރަތަމަ ހާފްގައި ލިބުނު ދެ ޕެނަލްޓީން ރިޗާލިސަން ދެ ލަނޑު ޖަހާ އެވަޓަންއަށް ކުރި ހޯދައިދިނެވެ. ބާންލީން ނަތީޖާ ހަމަހަމަކުރީ ދެވަނަ ހާފް ފަށައިގެން 12 ވަނަ މިނިޓްގައި ރޮޑްރިގޭޒް ޖެހި ލަނޑުންނެވެ. މިމޮޅާއެކު ބާންލީ ވަނީ ރެލިގޭޝަން ޒޯނުން ސަލާމަތްވުމަށް ޕޮއިންޓަކާ ކައިރިއަށް ޖެހިލާފައެވެ. ރެލިގޭޝަން ޒޯނުން ބޭރުން ތާވަލްގެ ފުލުގައި އޮތީ އެވަޓަންއެވެ. އެއީ 25 ޕޮއިންޓާއެކުއެވެ. ބާންލީ ވަނީ 24 ޕޮއިންޓް ހަމަކޮށްފައެވެ.

ފްރޭންކް ލަމްޕާޑްގެ އެވަޓަން މިހާރު އޮތީ ލީގު ތާވަލްގެ ފަހަތުން ހަތަރު ވަނާގައެވެ. ލީގު ތާވަލްގެ އެއްވަނާގައި މެންޗެސްޓަރ ސިޓީ އޮތީ 73 ޕޮއިންޓާއެކުއެވެ. ދެވަނާގައި ލިވަޕޫލް އޮތީ 72 ޕޮއިންޓާއެކުއެވެ.