އިނގިރޭސި ޕްރިމިއަރ ލީގުގައި އެވަޓަން ބަލިކޮށް ވެސްޓްހޭމް އިން ތާވަލުގެ ހަވަނައަށް ޖެހިލައިފިއެވެ.

ވެސްޓްހޭމްގެ ދަނޑުގައި ހޮނިހިރު ދުވަހުގެރޭ ކުޅުނު މި މެޗު އެޓީމުން ކާމިޔާބުކުރީ 2-1 ގެ ނަތީޖާއަކުންނެވެ. ފުރަތަމަ ލަނޑު ޖަހާ ލީޑު ނެގީވެސް ވެސްޓްހޭމް އިންނެވެ. ފުރަތަމަ ލަނޑަކީ އާރޯން ކްރެސްވެލް ކާމިޔާބުކޮށްދިން ލަނޑެކެވެ. ދެވަނަ ހާފު ފެށިގެން މެޗުގެ 53 ވަނަ މިނެޓުގައި އެވަޓަންއަށް ނަތީޖާ ހަމަހަމަ ކޮށްދިނީ މޭސަން ހޮލްގޭޓްއެވެ. އޭގެ ފަހުން ވެސްޓްހޭމްއަށް ލީޑު ނަގައިދިނީ ޖެރޯޑް ބޯވެންއެވެ.

މި ނަތީޖާއާއެކު ވެސްޓްހޭމްއަަށް ތާވަލުގެ ހަވަނަ ލިބެނީ 51 ޕޮއިންޓުންނެވެ. 51 ޕޮއިންޓާއެކު ތާވަލުގެ ގަދަ ހަތަރަކަށް މަސައްކަތް ކުރަމުން އަންނަ މެންޗެސްޓަރ ޔުނައިޓެޑަށް ހަތްވަނަ ލިބެނީ ގޯލުގެ ތަފާތުން ވެސްޓްހޭމް ކުރީގައި އޮތުމުންނެވެ. ލީގު ތާވަލުގެ އެއްވަނައިގައި މެންޗެސްޓަރ ސިޓީ އޮތީ 73 ޕޮއިންޓު ހޯދައިގެންނެވެ. ލިވަޕޫލްއަށް ދެވަނަ ލިބެނީ 72 ޕޮއިންޓާއެކުއެވެ.

ޕްރިމިއަރ ލީގުގައި އާދީއްތަ ދުވަހުގެރޭ ޓޮޓެންހަމް އާއި ނިއުކާސަލް ބައްދަލުކުރި މެޗުން ނިއުކާސަލް ކުރިހޯދީ 5-1 ގެ ނަތީޖާއަކުންނެވެ. މި މެޗުގައި ފުރަތަމަ ލީޑު ނެގީ ނިއުކާސަލްއިންނެވެ. ޓޮޓެންހަމްއިން މޮޅުވީ ފަހަތުން އަރާ ފަސް ލަނޑު ޖަހައިގެންނެވެ.

މި މެޗުން މޮޅުވުމާއެކު ޓޮޓެންހަމް ވަނީ ތާވަލުގެ ހަތަރު ވަނައަށް ޖެހިލާފައެވެ. ތާވަލުގެ ހަތަރު ވަނައިގައި ޓޮޓެންހަމް އޮތީ 54 ޕޮއިންޓު ހޯދައިގެންނެވެ.