އެމްއެންޔޫއެސްޔޫގެ ވޮލީ މުބާރާތް ފެސްޓް އާއި އެސްއެންއަށް

ދިވެހިރާއްޖޭގެ ޤައުމީ ޔުނިވަރސިޓީގެ ދަރިވަރުންގެ ޔޫނިއަންއިން ބާއްވާ އިންޓަރ ފެކަލްޓީ ވޮލީބޯޅަ މުބާރާތުގެ ޗެމްޕިއަންކަން ސްކޫލް އޮފް ނާސިންގ (އެސްއެން) އާއި ފެކަލްޓީ އޮފް އެންްޖިނިއަރިންގ، ސައިންސް އެންޑް ޓެކްނޮލޮޖީން ކާމިޔާބުކޮށްފިއެވެ.

މި މުބާރާތުގެ އަންހެން ޑިވިޝަނުގެ ފައިނަލުގައި އެންމެ ފަހުގެ ޗެމްޕިއަން ބިޒްނަސް ސްކޫލްގެ ޓީމާއި ވާދަކޮށް އެސްއެން އިން ކުރިހޯދީ ސީދާ ތިން ސެޓުންނެވެ. މި މެޗުގެ މޮޅު ކުޅުންތެރިއަކަށް ހޮވުނީ އެސްއެން ޓީމުގެ ޖާޒީ ނަންބަރ 2، މަރިޔަމް ނިޝާއެވެ. އެސްއެންއިން މުބާރާތް ކާމިޔާބުކުރީ އެއްވެސް މެޗަކުން ބަލިނުވެއެވެ. މިއީ އެސްއެންއިން މުބާރާތް ކާމިޔާބުކުރި ދެވަނަ ފަހަރެވެ. މުބާރާތުގައި އެންމެ ގިނަ ފަހަރު ޗެމްޕިއަންކަން ހޯދާފައިވަނީ ފެކަލްޓީ އޮފް އެޑިއުކޭޝަން (އެފްއީ) އާއި ބީއެސް ޓީމުންނެވެ. މިއިން ކޮންމެ ޓީމެއް ވަނީ ތިން ފަހަރު މުބާރާތް ކާމިޔާބުކޮށްފައެވެ.

ފިރިހެން ޑިވިޝަނުގެ ފައިނަލުގައި ބައްދަލުކުރީ ސެންޓަރ ފޯރ ފައުންޑޭޝަން ސްޓަޑީޒް (ސީއެފްއެސް) އާއި ފެސްޓުގެ ޓީމެވެ. ފޯރިގަދަ މި މެޗުގައި ފެސްޓުން ދެ ސެޓު ކާމިޔާބުކޮށްފައި ވަނިކޮށް ސީއެފްއެސްއިން ވަނީ ފަހަތުން އަރާ ދެ ސެޓު ހޯދާފައެވެ. ފަސްވަނަ ސެޓުގައިވެސް މޮޅު ކުޅުމެއް ދެއްކި ސީއެފްއެސްގެ މައްޗަށް ފެސްޓުން ކުރިހޯދީ 14-8 ގެ ތަފާތު ބޮޑު ލީޑެއް ސީއެފްއެސްއިން ނަގާފައި ވަނިކޮށެވެ. މިއީ ފެސްޓުން މި މުބާރާތް ކާމިޔާބުކުރި ފުރަތަމަ ފަހަރެވެ. ފައިނަލު މެޗުގެ މޮޅު ކުޅުންތެރިއަކަށް ހޮވުނީ ފެސްޓުގެ ޖާޒީ ނަންބަރު 09، އުމަރު ފާރޫގެވެ.

ފެކަލްޓީތަކުގެ މެދުގައި ބާއްވާ މި މުބާރާތަކީ އެމްއެމްޔޫއެސްޔޫގެ ދެވަނައަށް އެންމެ މޮޑު ހަރަކާތެވެ. މިއީ މި މުބާރާތުގެ އަށްވަނަ ޑިވިޝަންއެވެ.