އިއުލާން ނުކޮށް ޗައިނާއިން އަޅާ ފިޔަވަޅުތަކުގެ ސަބަބުން ނޭޕާލުގެ ވިޔަފާރިތަކަށް ގެއްލުން

ކޮވިޑްގެ ސަބަބުން ޗައިނާއިން އަޅާފައިވާ ފިޔަވަޅުތައް އުވާނުލައި ގިނަދުވަސްވެފައި ވުމާއެކު، ނޭޕާލްގެ ވިޔަފާރިތަކަށް ގެއްލުންވާކަމަށް އެގައުމުގެ ވިޔަފާރިވެރިން ބުނެފިއެވެ.

ނޭޕާލަށް އެންމެ ގިނައިން ތަކެތި އެތެރެކުރާ އެއް ގައުމަކީ ޗައިނާއެވެ. ކޮވިޑާއެކު ޗައިނާއިން ވަނީ ގިނަ ފިޔަވަޅުތަކެއް އަޅާފައެވެ. އަދި މިހާރުވެސް ޗައިނާއިން އަންނަނީ ފިޔަވަޅުތައް ވަރުގަދަ ކުރަމުންނެވެ. ނޭޕާލުގެ ވިޔަފާރިވެރިން ބުނީ ޗައިނާއިން ކޮވިޑުން ރައްކާތެރިވުމަށް ފިޔަވަޅު ގިނަ ފަހަރު އަޅަނީ ކުރިއާލައި އިއުލާން ނުކޮށް ކަމަށާއި، އޭގެ ސަބަބުން ޗައިނާއިން އެތެރެކުރާ ބައެއް ޝިޕްމަންޓުތައް ނޭޕާލަށް އެތެރެކުރުމުގައި ދަތިތަކަކާ ދިމާވާކަމަށެވެ.

ވިޔަފާރިވެރިން ބުނީ ކުރިން ޗައިނާއިން އެތެރެކުރާ ބައެއް ޕްރޮޑަކްތައް އެހެން ގައުމުތަކުން މިހާރު އެތެރެކުރަމުން އަންނަ ކަމަށާއި، އެކަމަކު އޭގެ ސަބަބުން ތަކެތީގެ އަގު ބޮޑުވެފައިވާކަމަށެވެ.

މީގެ އިތުރުން ވިޔަފާރިވެރިން ބުނީ ޝިޕްމަންޓްތައް ޑިލޭވުމުގެ ސަބަބުން ކަސްޓަމަރުން ގެއްލެމުން އަންނަ ކަމަށެވެ.

ނޭޕާލުގެ ވިޔަފާރިވެރިން އިތުރަށް ބުނީ، ނޭޕާލުގެ ޕްރޮޑެކްޓުތައް ޗައިނާއަށް އެކްސްޕޯޓު ކުރުމުގައި ވެސް ދަތިތަކެއް އެބަހުރި ކަމަށެވެ. އަދި އެކަންކަން ހައްލުނުވާނަމަ، ކުރިއަށް އޮތްތަނުގައި ތަކެތީގެ އަގުބޮޑުވުން އެކަށީގެންވާ ކަމަށެވެ.

ކޮވިޑުން ރައްކާތެރިވުމަށް ޗައިނާއިން ގިނަ ފިޔަވަޅުތަކެއް އަޅާފައިވާއިރު، އެ ފިޔަވަޅުތައް އަދިވެސް އުވާލާފައެއް ނުވެއެވެ.