އިންތިޚާބަށް ނުފޫޒު ފޯރުވަނީއޭ ވެސް ކިއިދާނެ
އިކޮނޮމިކް މިނިސްޓަރު ފައްޔާޒު އިސްމާއީލް
މިތިބީ ސަރުކާރާއެކުުގައި ކަމަށާއި، 2023 ގެ އިންތިޚާބުގައިވެސް މި ސަރުކާރު ގެންނަން މަސައްކަތް ކުރައްވާނެ ކަމަށް އިކޮނޮމިކް މިނިސްޓަރު ފައްޔާޒް އިސްމާއިލް ވިދާޅުވެއްޖެއެވެ.
އެމަނިކުފާނަށް އަމާޒުވަމުން އަންނަ ފާޑުކިޔުންތަކަށް ރައްދު ދެއްވަމުން، އެމްޑީޕީގެ ގައުމީ މަޖިލީހުގައި އަންގާރަ ދުވަހުގެ ރޭ ވާހަކަދައްކަވަމުން ފައްޔާޒު ވިދާޅުވީ، އެމަނިކުފާނު ހުންނެވީ، މިސަރުކާރާއެކުގައި ކަމަށާއި، ބްރޯއޭވެސް ކިއިދާނެ ކަމަށެވެ. ނަމަވެސް އަސްލު ބްރޯއަކީ ކާކުކަން މިއަދު ރައްޔިތުންނަށް އެނގޭނެ ކަމަށް ފައްޔާޒު ވިދާޅުވިއެވެ.
އެމްޑީޕީގެ ޗެއާޕާރސަންގެ މަގާމުގެ އިންތިޚާބު ބާއްވާނެ ދުވަހަކާއި މެދު ޚިޔާލު ތަފާތުވެ އެކަމުގައި ގޮތެއް ނިންމުމަށްޓައި އަންގާރަ ދުވަހުގެ ރޭ ވަނީ ގައުމީ މަޖިލީހުގެ ޖަލްސާއެއް ބާއްވާފައެވެ.
ފައްޔާޒު ވިދާޅުވީ އިންތިޚާބަށް ނުފޫޒު ފޯރުވަނީ ކޮން ބައެއްކަން އެނގިވަޑައިގަންނަވާ ކަމަށެވެ. ޕާޓީއަށްޓަކައި އަދި އެމަނިކުފާނުވެސް ގުރުބާންވެވަޑައިގެންނެވިއެވެ.
ފައްޔާޒު ވިދާޅުވީ އިންތިޚާބު ބާއްވަން ޖެހޭނީ ގިނަ މެމްބަރުންނަށް ބައިވެރިވެވޭ ގޮތަށް ރޯދަ މަސް ނިމުމަށްފަހު ކަމަށެވެ.
