ޖިންސީ ގޯނާކުރިކަމުގެ ތުހުމަތު ކުރެވޭ ޓެކްސީ ޑްރައިވަރުގެ ބަންދަށް ތިން ދުވަސް
9 މާރިޗު 2022 | ބުދަ 02:50މި މައްސަލައާއި ގުޅިގެން ހައްޔަރު ކޮށްފައިވަނީ އުމުރުން 41 އަހަރުގެ ފިރިހެނެއް
އެއަންހެން މީހާގެ ނުރުހުމުގައި ހުޅުމާލެ ފޭސް 2ށް ގެންގޮސް ޖިންސީ ގޯނާކުރިކަމަށް ތުހުމަތުކޮށްފައިވޭ
ޖިންސީ ގޯނާކުރިކަމުގެ ތުހުމަތުކުރެވޭ ޓެކްސީ ޑްރައިވަރުގެ ބަންދަށް ތިން ދުވަސް ހުޅުމާލެ ކޯޓުން ޖަހައިފިއެވެ.
މި މައްސަލައާއި ގުޅިގެން ހައްޔަރު ކޮށްފައިވަނީ އުމުރުން 41 އަހަރުގެ ދިވެހި ފިރިހެނެކެވެ.
ފުލުހުން ބުނީ މާލެއިން ޓެކްސީއަކަށް އެރި އުމުރުން 20 އަހަރުގެ ދިވެހި އަންހެނެއްގެ ނުރުހުމުގައި ހުޅުމާލެ ފޭސް 2ށް ގެންގޮސް ޖިންސީ ގޯނާކުރިކަމުގެ ތުހުމަތު ކުރެވޭ މައްސަލަ މާރޗް 7 ވަނަ ދުވަހުގެ ދަންވަރު 00:50 ހާއިރު ފުލުހުންނަށް ރިޕޯޓްކޮށްފައިވާ ކަމަށެވެ.
ނޫސްތަކުގައި ރިޕޯޓްކޮށްފައިވާ ގޮތުން އެ އަންހެން މީހާ ޓެކްސީއަށް އެރީ ހެންވޭރުގައި ހުރި ގެއަކުން މާފަންނުގައި ހުރި ގެއަކަށް ދިޔުމަށެވެ. އޭނާ ޓެކްސީއަށް އެރުމާއެކު، އޭގައި އިން ޑްރައިވަރު ޓެކްސީގެ ހުރިހާ ދޮރެއް ތަޅުލުމަށް ފަހު، ގަދަކަމުން ހުޅުމާލޭގެ ދެވަނަ ފިޔަވަހީގެ ބީޗަށް ގެންދިޔަ ކަމަށް ވެސް ރިޕޯޓް ކޮށްފައިވެއެވެ.
ފުލުހުން ދަނީ މިމައްސަލަ ތަހުޤީޤު ކުރަމުންނެވެ.
