މައްކާގައި ފޭކް ޒަމްޒަމް ފެން ވިއްކަމުންދިޔަ ފެކްޓްރީއެއް ރެއިޑްކޮށްފި
ޒަމްޒަމް ފެންކަމަށް ބުނެ ވިއްކަމުން ދިޔައީ އާދައިގެ އިސްކުރު ފެން
ޒަމްޒަމް ފެން ކަމަށް ބުނެ ވިއްކަމުން ދިޔައީ އާދައިގެ އިސްކުރު ފެން
މައްކާގައި ފޭކް ޒަމްޒަމް ފެން ބަންދުކޮށް ވިއްކަމުންދިޔަ ފެކްޓީއެއް ސައުދީގެ ފުލުހުން ރެއިޑްކޮށްފިއެެވެ.
ސައުދީއަރައްބިއްޔާގެ ޚާއްލިދިއްޔާ ނެއިބަރހުޑްގައި ހުންނަ މި ފެކްޓްރީ ފުލުހުން ރެއިޑް ކުރީ ޒަމްޒަމް ފެންކަމަށްބުނެ ފޭކް ފެން ވިއްކަމުންދަކަމުގެ ޝަކުވާ އާއްމު ފަރާތްތަކުން ރިޕޯޓްކުރުމާ ގުޅިގެން އެގައުމުގެ ފުލުހުން ހިންގި ޚާއްސަ އޮޕަރޭޝަނެއްގައެވެ. ޒަމްޒަމް ފެންކަމަށް ބުނެ އެ ފެކްޓްރީން ވިއްކަމުންދިޔައީ އާދައިގެ އިސްކުރުފެެނެވެ.
މި އޮޕަރޭޝަންގައި ފުލުހުން ވަނީ އެ ފެކްޓްރީގައި އެވަގުތު ތިބި އޭޝިއާއަށް ނިސްބަތްވާ ދެމީހަކއި، އަރަތްބަކު ހައްޔަރުކޮށްފައެވެ. އަދި ފޮށީގައި ބަންދުކޮށް ބޭނުންކުރުމަށް ތައްޔާރުކޮށްފައިވާ 16،000 ފެން ފޮށިގަނޑު ފުލުހުން ވަނީ އަތުލައިގެންފަައެވެ.
ދުނިޔޭގެ މުސްލިމު ގައުމުތަކުންނާއި، މައްކާގައި ބޮޑު ޑިމާންޑެއް އޮންނަ ޒަމްޒަމް ފެން ކަމަށް ބުނެ ފޭކް ފެން ވިއްކަނިކޮށް މީގެ ކުރިންވެސް ވަނީ ފަޅާއަރާފައެވެ.
މި އަހަރުގެ ޖެނުއަރީމަހު، ސައުދީގެ މިނިސްޓްރީ އޮފް ހައްޖުން ވަނީ ލައިންސަންސް އާއި ލޭބަލް ނެތި ޒަމްޒަމް ފެނުގެ ނަމުގައި ވިއްކަމުންދާ ފެނަށް ސަމާލުވުމަށްއެދިފައެވެ.
