ކ. މާލެ
|
5 ޖޫން 2017 | ހޯމަ 10:04
 ކުރީގެ ރައީސް މައުމޫނު: ތަރައްގީގެ މަސައްކަތުގައި ކައުންސިލަރުން ކުރިއަށް ވަޑައިގަތުމަށް ގޮވާލެއްވި
ކުރީގެ ރައީސް މައުމޫނު: ތަރައްގީގެ މަސައްކަތުގައި ކައުންސިލަރުން ކުރިއަށް ވަޑައިގަތުމަށް ގޮވާލެއްވި
މިހާރު
ރައީސް މައުމޫނުގެ ނަސޭހަތް
ކައުންސިލަރުންނަށް ރައީސް މައުމޫނުގެ ނަސޭހަތް: "ވަރުގަދަ އަޒުމާއެކު ތަރައްގީއާއިގެން ކުރިއަށް ވަޑައިގަތުން އެދެން"
 
މާލޭ ސިޓީ އަކީ ސާފު އަމާން ތަނަކަށް ހައްދަވައި ދެއްވުމަށް ގޮވާލެއްވި
 
ރައީސް މައުމޫނު ވަނީ ހުރިހާ ކައުންސިލަރުނަށް ތަހުނިޔާ ފޮނުއްވާފައި

ވަރުގަދަ އަޒުމަކާއެކު ތަރައްގީއާއިގެން ކުރިއަށް ވަޑައިގަތުމަށް އަލަށް އިންތިޚާބުވެ ހުވާކުރެއްވި ހުރިހާ ކައުސިލަރުންނަށް ކުރީގެ ރައީސް މައުމޫނު އަބުދުލް ގައްޔޫމް ނަސޭހަތްތެރިވެ ވަޑައިގަންނަވައިފިއެވެ.


ރައީސް މައުމޫން އާދިއްތަ ދުވަހު ކުރައްވފައިވާ ޓްވީޓެއްގައި ވިދާޅުވީ އަލަށްހުވާކުރެއްވި ހުރިހާ ކައުންސިލަރުންނަށް ތަހުނިޔާ ފޮނުއްވާކަމަށެެވެ. ރައްޔިތުން އެދޭ ގޮތަށް ތަރައްގީގެ މަސައްކަތުގައި ވަރުގަދަ އަޒުމަކާއެކު ކުރިއަށް ވަޑައިގަތުމަށް އެދިވަޑައިގަންނަވާކަމަށް އެމނިކުފާނު ވިދާވިއެވެ.


ރައީސް މައުމޫނު ކުރައްވާފައިވާ އެހެން ޓްވީޓެއްގައި ވަނީ ރާއްޖޭގެ ފުރަތަމަ އަންހެން މޭޔަރ އަދި މާލޭ ސިޓީ ކައުންސިލްގެ މޭޔަރ ސިފާ މުހައްމަދަށް މަރުހަބާ ދަންނަވާ އެމަނިކުފާނު ވިދާޅުވީ، މާލެ ސިޓީއަކީ ސާފު އަމާން ތަނަކަށް ހެއްދެވުމަށްމަސައްކަތްކޮށްދެއްވުމަށް އެދިވަޑައިގަންނަވާކަމަށެވެ. މާލޭގެ ތަރައްގީއަށް މަސައްކަތްކޮށްދެވުމަށް ރައީސް މައުމޫނު ވަނީ މޭޔަރުގެ ކިބައިން އެދިވަޑަިއގެންފައެވެ.


މާލޭ ސިޓީގެ އިތުރުން ރާއްޖޭގައި ދެން އޮތް އަނެއް ދެ ސިޓީ ކަމުގައިވާ އައްޑޫ ސިޓީއާއި، ފުވައްމުލަކު ސިޓީއަށް ވެސް ވަނީ ދެ މޭޔަރުން ހޮއްވަވާފައެވެ. ރާއްޖޭގެ ހުރިހާ ސިޓީއަކަށްވެސް މޭޔަރުންގެ ގޮތުގައި ތިއްބެވީ އިދިކޮޅު އެމްޑީޕީގެ ބޭފުޅުންނެވެ. ކުރީގެ ރައީސް ނަޝީދުވެސް ވަނީ ހުރިހާ އާ ކައުންސިރުންނަށާއި މޭޔަރުންނަށް މަރުހަބާ ދަންނަވފައެވެ.


ކައުންސިލް އިންތިޚާބުގައި ހުރިހާ ސިޓީ ކައުންސިލްތަކާއި، އާބާދީބޮޑެތި ރަށްރަށުގެ އިތުރަށް ގިނަ ކައުންސިލްތަކުގެ މެޖޯރިޓީ ހޯދާފައިވަނީ އިދިކޮޅު އެމްޑީޕީންނެވެ.

ކައުންސިލް އިންތިޚާބު ކާމިޔާބު ކުރެއްވި ކައުސިލަރުން ،ހޮނިހިރު ދުވަހާއި ހޮނިހިރު ދުވަހުގެރޭ ވަނީ މަގާމުގެ ހުވާކުރައްވާ މަސްއޫލިއްޔަތާ ހަވާލްވެވަޑައިގެންފައެވެ.

އެންމެ ފަހުން އަޕްޑޭޓް ކުރީ: 4 ހަފްތާ ކުރިން
ރިވިއު ކުރީ: ހުސެން ފިޔާޒް
0%
0%
0%
0%
0%
0%
ކޮމެންޓް