އިތުރު 484 މީހުން ކޮވިޑް-19 އަށް ޕޮޒިޓިވްވެއްޖެ
28 ފެބުރުއަރީ 2022 | ހޯމަ 01:56މާލެ ސަރަހައްދުން ޕޮޒިޓިވްވީ 57 މީހުން
ކޮވިޑަށް ޓެސްޓުކުރުން
ރާއްޖެއިން އިތުރު 484 މީހުން ކޮވިޑް-19 އަށް ޕޮޒިޓިވްވެއްޖެއެވެ.
ހެލްތު ޕްރޮޓެކްޝަން އެޖެންސީ (އެޗްޕީއޭ) އިން އާންމުކޮށްފައިވާ ތަފާސްހިސާބުތަކަށް ބަލާއިރު, ފާއިތުވި 24 ގަޑިއިރު ތެރޭގައި 3,014 ސާމްޕަލެއް ވަނީ ޓެސްކޮށްފައެވެ. އޭގެ ތެރެއިން މާލެ ސަރަހައްދުން ޓެސްޓްކޮށްފައިވަނީ 696 ސާމްޕަލެވެ. މާލެ ސަރަަހައްދުން ޕޮޒިޓިވްވެފައިވަނީ 57 މީހުންނެވެ. އަތޮޅުތަކުން 382 މީހުން ޕޮޒިޓިވްވިއިރު, ހިނގަމުންދާ ރިސޯޓްތަކުން 24 މީހުން ޕޮޒިޓިވްވެފައިވެއެވެ.
މިއާއެކު ރާއްޖެއިން ކޮވިޑަށް ޕޮޒިޓިވްވި މީހުންގެ އަދަދު ވަނީ 169،632 އަށް އަރާފައެވެ. މީގެތެރެއިން 154,246 މީހުން ބަލިން ފަސޭހަވެފައިވެއެވެ. މިވަގުތު އެކްޓިވް ކޭހުގެ ގޮތުގައި ގުނަމުންދަނީ 15،076 ކޭހެވެ. މީގެތެރެއިން 16 މީހުންނަށް އަންނަނީ ހޮސްޕިޓަލްތަކުގައި އެޑްމިޓްކޮށްގެން ފަރުވާދެމުންނެވެ.
ރާއްޖެއިން މިހާތަނަށް 297 މީހުން މިބަލީގައި ނިޔާވެފައިވެއެވެ.
