ކޮވިޑް-19ށް އިތުރު 1056 މީހުން ޕޮޒިޓިވްވެއްޖެ
16 ފެބުރުއަރީ 2022 | ބުދަ 18:4215،706 އެކްޓިވް ކޭސް ހިމެނޭ
ކޮވިޑަށް ޓެސްޓުކުރަނީ
ކޮވިޑް-19ށް އިތުރު 1056 މީހުން ޕޮޒިޓިވްވެފައިވާ ކަމަށް ހެލްތު ޕްރޮޓެކްޝަން އެޖެންސީ (އެޗްޕީއޭ)އިން ބުނެފިއެވެ.
އެޗްޕީއޭއިން ބުނީ އަންގާރަ ދުވަހުގެ އިރުއޮއްސި 6:00ން ބުދަ ދުވަހުގެ އިރުއޮއްސި 6:00ށް 4374 ސާމްޕަލެއް ނަގާފައިވާ ކަމަށެވެ. އޭގެ ތެރެއިން 1408 ސާމްޕަލެއް ނަގާފައިވަނީ މާލެ ސަރަހައްދުންނެވެ. އެޗްޕީއޭއިން ބުނީ އެ ސާމްޕަލްގެ ތެރެއިން 1056 މީހުން ޕޮޒިޓިވްވެފައިވާ ކަމަށެވެ. އެއީ މާލެ ސަރަހައްދުން 146 މީހުން، ހިންގަމުންދާ ރިސޯޓުތަކުން 59 މީހުން، އަތޮޅުތެރޭގެ ރަށްރަށުން 792 މީހުން ޕޮޒިޓިވްވެފައިވާ ކަމަށެވެ.
15،706 އެކްޓިވް ކޭސް ހިމެނޭއިރު، 26 މީހަކަށް ހޮސްޕިޓަލްގައި އެޑްމިޓްކޮށްގެން ދަނީ ފަރުވާ ދެމުންނެވެ.
އެޗްޕީއޭއިން ބުނީ މިހާތަނަށް 162،169 މީހުން ޕޮޒިޓިވްވެފައިވާ ކަމަށާއި، 146،161 މީހުން ބަލިން ރަނގަޅުވެފައިވާ ކަމަށެވެ. މިބަލީގައި މިހާތަނަށް 289 މީހުން ވަނީ ނިޔާވެފައެވެ.
މާލެ ސިޓީގެ ޕޮޒިޓިވްޓީރޭޓް ހުރީ 10 އިންސައްތާގައެވެ.
ރާއްޖެއަށް ކުރިމަތިވި ކޮވިޑް-19ގެ ފަސްވަނަ ރާޅާއެކު ކޭސްތައް ޖެނުއަރީ މަހުގެ ތެރޭގައި ވަރަށް ބޮޑަށް އިތުރުވެގެން ދިޔައެވެ. 2500ށްވުރެ މަތީގައި ކޭސްތައް ރިޕޯޓު ކުރެވުނު ނަމަވެސް ފެބްރުއަރީ މަސް ފެށުނު ފަހުން ދަނީ ކޭސްތައް ދަށްވަމުންނެވެ. ކޮވިޑް-19 ކޮންޓްރޯލް ކުރުމަށް އިތުރު ފިޔަވަޅުތައް ނޭޅި ނަމަވެސް މިހާރު އަޅާފައިވާ ފިޔަވަޅުތަކާއި އެއްގޮތަށް އަމަލުކޮށް، ގިނަ މީހުން އެއްވެ ނޫޅުމަށް ކަމާބެހޭ ފަރާތްތަކުން ދަނީ އިލްތިމާސްކުރަމުންނެވެ.
